影片
更多
2024-11-01
223 浏览
喺鲗鱼涌太古坊附近返工都知，平日lunch hour要揾个静嘅地方坐下，仲难过cut有线宽频。偏偏呢度有一间coffee shop，静静地播音乐，仲有有相当嘅自然光，令人坐得好舒适。“阿啡”呢度有各式各样嘅咖啡，除咗奶啡，佢仲有好多特别咖啡豆做手冲，仲有啲特饮，同埋少量甜点咸点。不过要注意佢座位唔多，几个人已经可以令佢满座😅。Yuzu Earl Grey Blackaccino $55呢期嘅特饮。用上柑桔蜜糖、冷萃伯爵茶、americano混合而成嘅冻特饮。首先好明显感受到蜜糖同柑桔嘅酸度，佢同伯爵茶黑咖啡之间嘅配合亦恰到好处，亦比较少咖啡嘅涩味，可以话系容易入口之选。Kimchi Cheese Bagel $40佢嘅bagel有分咸甜。而今次嘅Kimchi Cheese当然系咸点。Bagel觉得够热亦松软，唔会好硬。泡菜同芝士味亦好足够。份量上同一个proper sandwich差唔多，当做一个quick lunch亦足够。Matcha Latte (Large) $55一睇就知个拉花非常复杂，但其实佢更劲嘅地方系个抹茶latte本身。个奶泡打得好滑，奶味好出，但亦唔阻挡抹茶味嘅发挥
“阿啡”
呢度有各式各样嘅咖啡，除咗奶啡，佢仲有好多特别咖啡豆做手冲，仲有啲特饮，同埋少量甜点咸点。不过要注意佢座位唔多，几个人已经可以令佢满座😅。
Yuzu Earl Grey Blackaccino $55
呢期嘅特饮。用上柑桔蜜糖、冷萃伯爵茶、americano混合而成嘅冻特饮。首先好明显感受到蜜糖同柑桔嘅酸度，佢同伯爵茶黑咖啡之间嘅配合亦恰到好处，亦比较少咖啡嘅涩味，可以话系容易入口之选。
Kimchi Cheese Bagel $40
佢嘅bagel有分咸甜。而今次嘅Kimchi Cheese当然系咸点。Bagel觉得够热亦松软，唔会好硬。泡菜同芝士味亦好足够。份量上同一个proper sandwich差唔多，当做一个quick lunch亦足够。
Matcha Latte (Large) $55
一睇就知个拉花非常复杂，但其实佢更劲嘅地方系个抹茶latte本身。个奶泡打得好滑，奶味好出，但亦唔阻挡抹茶味嘅发挥。抹茶味浓之余系会感受到少少甘香，相当出色。明显佢用嘅抹茶粉相当多，我连抹嘴都要啲时间😆。
呢度就好似闹市中嘅绿洲，如果我有时间，一定会叹杯手冲，试吓佢唔同特色嘅咖啡豆，可惜我只有一个quick lunch嘅时间…
好啦，饮完咖啡，番工。
张贴
