德福閣

好耐冇食自助餐，早前屋企人见到德福阁有做优惠，所以Book咗嚟试!!德福阁喺旺角闹市，收工七点去到。一坐低，店员即刻每人上四只生蚝，生蚝好新鲜，而且饱满大只!!餐厅环境好宁静舒适，一张大长枱放满食物，海鲜方面有长脚蟹、青口、海虾、各种日式刺身和寿司等。特别推荐呢度三文鱼刺身，好肥美新鲜!!!色泽漂亮，我忍唔住encore咗几次~至于冷盘都有沙律吧、火腿蜜瓜卷、鸭胸等，热食有即切肉眼扒、蒸鱼、海南鸡、咕噜肉、芝士焗蚝、茶碗蒸等多款选择。基本汤品亦有中式汤西式汤两款选择，餐包都有三四款。特别推荐蒸鱼，好大条(唔知咩品种~)，鱼肉好滑!!!即切肉眼扒咁热门好快俾人食完，师傅都即刻攞第二嚿出嚟!!甜品方面有好多选择，movenpick 雪糕任食!!仲有雪米糍，仲有本地雪糕cocoberry~师傅职场制作疏乎厘好吸引，空气感十足，我都食咗两个!!!仲有师傅即场制作pancake，可以拣返香蕉/cream/杂果味，有唔同配料自己配搭。另外亦有多款原个芝士蛋糕、忌廉蛋糕、布丁、椰汁西米露、水果可以选择。有个朱古力喷泉，当晚见到小朋友都玩得好开心~饮品吧都系自助，有多款汽水(有怀旧玻璃樽装可乐)，柠檬