Sky726

不得了！食完野通常就系觉得好食，个肚好满足，今次黎完呢到，竟然有一种唔单只肚仔开心，而系成个人都开心既感觉！首先就系讲环境，顶楼真系无得输，可以眺望成个旺角夜景，非常怡人，再加上昏暗灯光同迷人蜡烛，心境好快就由匆忙既节奏进入黄昏既平和🌆之后就讲食物特色，呢到当然都会系cafe 典型既西式食物，但系却有一点不同。就咁一个烧粟米，都加入墨西哥风味同香料，无食过既就个特别两个字！之后另外叫左慢煮猪鞍扒同意大利手卷意粉，继续系好少会食既食材。慢煮肉一贯能够锁死肉汁，令到整个猪唔会陷入老身既困局，香味又十足！手卷意粉质感非常特别，值得一试！最后就到甜品，可以话系成晚既亮点！味道就不在话下，但特别想highlight 既系成个service,简直可以话系娱乐！首先有雪崩提拉米稣，相机食先！将胶除落黎果下雪崩非常治愈！之后系火烧心太软，双重朱古力配上酒味同火烧show,好正！