Bulldog Hotdog (安祥路) (已結業)

成日都听到呢个热狗品牌，大家都差唔多一面倒咁赞佢有几用心，笔者钟意美式快餐就当然要入大埔试一试佢。到餐厅个阵都差不多九点，快快手手叫咗一个汉堡同一个热狗跟combo。芥辣墨鱼虾堡size都唔细，最好拎刀叉分一分开会易食啲。包应该系自家制，非常松软。炸墨鱼同虾外脆内软，兼食到有虾同墨鱼系入面，几欣赏芥辣酱同生菜蕃茄青瓜可以中和炸物嘅油腻。美中不足系，虽然有清新感，但系下层包好快变湿，食到最后下层个包散晒咁，影响咗个口感。叫餐之前就咁听个热狗名叫招牌热狗，完全唔知系咩黎，只系知有少少辣，抱住「surprise me!」嘅心态试试。热狗包一样系自家制，估唔到原来招牌会走墨西哥style，taco同sour cream冇谂过可以咁夹热狗肠，配上辣肉酱口感丰富。配餐薯角薯条唔记得影相，不过两样都系厚切，热辣辣又大大份，好好食。味道黎讲Bulldog绝对系有质素的，所以一直都觉得只要好食，就算快餐，七十蚊up都可以物有所值。唯独系呢度环境就未必坐得好舒服，特别如果想夜晚食，叫外卖嘅话成个体验应该会好好多。有机会再黎嘅话仲想试埋配咖啡，再配热狗应该几唔错。