金船長餐廳 (已結業)

听过好多人讲大角咀既金船长啲嘢食几好，一路都想试不过一路都冇经过大角咀区。 今晚突然有机会到大角咀区就行过黎试下啦。入到餐厅见到墙上面贴有好多嘢食相，见到有一个好似木糠布甸嘅薄饼叫做黑松露薄饼，我见到个外型几得意又跟平时食开嘅薄饼唔一样就叫一个嚟试下。黑松露薄饼- 其实系双层饼底夹住浓郁嘅黑松露酱，薄饼面亦都洒上咗好多芝士粉。一上枱已经闻到好香嘅味道，一啖咬入口食到过皮好脆中间又有香浓既黑松露香气加上芝士嘅味道我觉得超好味。焗田螺 - 有别于一般餐厅嘅菜式， 田螺并不是配薯蓉而是配了几片多士， 多士配田螺嘅香草酱同样美味可口。炸软壳蟹 - 原只软壳蟹上台，件件都炸到脆卜卜 ，唔错。蘑菇汁烧西冷牛扒- 西冷分量都几大，肉质还可以，我叫咗5成熟， 味道ok。黑松露意大利饭 - 劲重黑松露味，松露控必选。红豆抹茶奶昔- 未上枱之前以为会好重奶味， 试完觉得系同一般奶昔不同，味道都几清新唔会过甜。