阿久根和牛立燒店 (已結業)

之前去完日本，试过立食寿司，甚至立食烧肉都开始兴起！今日经过旺角竟然俾我见到有立食烧肉，即刻想试下。哩间阿久根成个格局同日本个啲都几相似，都几有style，而且环境都阔落，企喺度食唔会觉得好逼。一开始上咗一碟蔬菜类做头盘，番茄仔好fresh!烧完之后嘅菠萝更加甜，超级开胃！我同朋友叫咗一人一份和牛胸腹肉定食，有前菜、面豉汤同米饭，而牛肉就由厨师发板，会random 系胸腹肉中切其中一款肉。牛肉脂肪比例啱啱好，有口感之于仲有牛嘅油香，几岀色。