阿元來了 (已搬遷) 新店位置

自从港岛西地铁开左之后，西环就愈黎愈多好野食。因为今日有少少想食台湾野，就专登去左西营盘帮衬「阿元来了」。阿元永远都系劲多人排队，好彩今次攞左飞系附近行左一阵，等左15分钟就有得食，万幸。鲁肉饭非常足料，鲁肉好入味，加埋少少鲁肉汁，1分钟就KO哂成碗饭叫左个鲁肉饭只需要加10蚊就可以加野饮，味道唔算太甜，几好！因为要一次过落单，所以份芋圆一早上左台。芋圆非常有咬口，汤水主要有冰糖味丶红豆同埋少量珍珠仔。食完鲁肉饭饮就岩哂，清一清味蕾鸡肉非常嫩滑，但系唔算好香口。同台湾夜市食嘅盐酥鸡比较就缺少一种孜然粉嘅味道作为一个芝士控，蛋饼入面满满嘅芝士味真系好感动。加埋少少嘅辣酱，好醒神刈包蒸得好软熟，猪肉煮得好软好入味，入面夹埋少少莞荽同埋炸菜，令到个包唔会太肥腻两个人食饭计埋饮品同糖水都系人均80蚊，分分钟重便过系台湾夜市食野。而且唔洗专登飞过去台湾，抵呀！