影片
更多
2017-04-26
571 浏览
世界轮流转，阿妈竟然带我潮叹私房菜!上月中，有个Auntie车我妈去食私房菜，乜原来两个人都可以食到私房菜架咩? 唔系要订一大围枱咁架咩? 哈哈，我都未食过私房菜，今次阿妈真系潮! 原来佢地仲要walk-in去食，枱都唔驶订，去到可以叫餐或散叫㖞。佢一路食一路喺whatsapp个family group入面share啲相出嚟威威 又话几正几好食。𠮶日返到屋企又口述一次食咗啲咩....... 呢个私房菜之旅佢每隔一两日就讲一次，无限loop........讲左几日，老豆终于出句声，话一齐去试下啰，佢拔枪㖞。哈哈，我地梗系唔会反对，一于go go go! 我地就择左个日子去食，到时出席就得喇㖞~~食之前一日收到阿妈喺whatsapp send出嚟个餐单，我先知有咩食。阿妈话今次订埋餐周全啲，佢先打电话去book枱，间私房菜就将个菜单whatsapp俾我妈，我妈再whatsapp同佢地倾有冇咩要改，全程由阿妈一手包办，因为佢最清楚全家人钟意食乜!餐单($441/位，每人菜位$2，免加一服务费):香芒沙律大虾球砂锅大鱼头豆腐汤芙蓉蛋白老虎班大肉蟹1只(可选花雕鸡油蛋白蒸，避风塘炒，姜冲炒，
上月中，有个Auntie车我妈去食私房菜，乜原来两个人都可以食到私房菜架咩? 唔系要订一大围枱咁架咩? 哈哈，我都未食过私房菜，今次阿妈真系潮! 原来佢地仲要walk-in去食，枱都唔驶订，去到可以叫餐或散叫㖞。佢一路食一路喺whatsapp个family group入面share啲相出嚟威威 又话几正几好食。𠮶日返到屋企又口述一次食咗啲咩....... 呢个私房菜之旅佢每隔一两日就讲一次，无限loop........
讲左几日，老豆终于出句声，话一齐去试下啰，佢拔枪㖞。哈哈，我地梗系唔会反对，一于go go go! 我地就择左个日子去食，到时出席就得喇㖞~~
食之前一日收到阿妈喺whatsapp send出嚟个餐单，我先知有咩食。阿妈话今次订埋餐周全啲，佢先打电话去book枱，间私房菜就将个菜单whatsapp俾我妈，我妈再whatsapp同佢地倾有冇咩要改，全程由阿妈一手包办，因为佢最清楚全家人钟意食乜!
餐单($441/位，每人菜位$2，免加一服务费):
香芒沙律大虾球
砂锅大鱼头豆腐汤
芙蓉蛋白老虎班
大肉蟹1只(可选花雕鸡油蛋白蒸，避风塘炒，姜冲炒，胡椒炒，四川香辣炒)
蒜蓉粉丝蒸蛏子皇5只
大蚬炖蛋
士多啤梨骨
金华玉树鸡半只
上汤浸时菜
蟹油银芽炒面
甜品
之前阿妈已温馨提示老豆唔好揸车，因为楼下停车场索价$40一小时，所以佢地改搭的士嚟，可以慢慢食。我自己就搭港铁嚟，观塘港铁站 B2 出口行嚟都近，几易揾。
嚟到梗系搭客䢂，我地贵宾黎架嘛
12楼F室，一出䢂右边就系:
五个人俾左张大枱我哋:
赞好facebook再share photo就送一枝汽水，始终觉得樽装好饮过罐装好多。其实叫一枝汽水都只系$10，唔驶加一。
香芒沙律大虾球 ── 率先华丽登场嘅系香芒沙律大虾球，色彩鲜艳，颜色分布均匀，夸啲讲甚至可以放喺屋企客厅嘅茶几上面做摆设都仲得，唔通师傅除咗厨艺连花艺都咁精通? 即刻放上FB就引嚟狂蜂浪Like。大虾就「栖息」喺香芒之间，记得一次过食㖞，大虾嘅爽脆鲜甜；芒果嘅多汁香甜，喺口内双甜齐发极match。
香芒沙律大虾球
13 浏览
0 赞好
0 留言
虾球好大只，一人有一只! 爽口弹牙，一啖食晒佢先够滋味。
阿妈点评：生果切得好细粒，师傅真系几用心去做，食客一啖就可以食到多种生果之余亦增加了口感，师傅都系几有心思。砂锅大鱼头豆腐汤 ── 个鱼头成个煲咁大，好夸张，真系落足料。鱼汤好鲜甜之余入面啲鱼肉同埋豆腐都滑过我家姐块面。老豆平时最钟意饮汤，外号「汤王」，今次唔知佢饿得滞定个汤真系咁好饮，佢嘢都唔讲好努力咁饮，我饮完一碗佢已经准备嚟第三碗⋯
砂锅大鱼头豆腐汤
21 浏览
0 赞好
0 留言
芙蓉蛋白老虎班 ── 切成大片嘅老虎班下面舖左一层蛋白去蒸，蒸起嚟令鱼肉倍感香滑。
芙蓉蛋白老虎班
23 浏览
0 赞好
0 留言
老虎班肥美，放上碟睇到啲鱼嘅油脂都流左出嚟。
食完鱼记得食埋下面吸收咗鱼鲜味嘅蛋白㖞。
阿妈点评：师傅用蛋白蒸，令鱼肉不失鲜味又健康，蛋白亦吸收到鱼嘅鲜味，相得益彰。做法唔难，呢啲喺家常菜都唔难去煮，下次都买条石班小试牛刀先。不过要蒸到条鱼仅仅熟，唔会过老就考功夫，火候要掌握得好好架。避风塘炒大肉蟹1只 ── 本来想食花雕蛋白蒸嘅，但考虑到老虎班都已经系蛋白蒸所以就叫左个Hong Kong Style啲 - 避风塘炒，我地叫左少辣。一上枱超级香
避风塘炒大肉蟹
14 浏览
0 赞好
0 留言
啖啖肉，好滋味!
蟹肉新鲜又爽甜，爽到一疏疏好似瑶柱咁，可以撕嚟食。
阿妈点评：蟹肉本身够鲜甜，所以同蒜香加少少辣味撞出嚟够晒惹味，若果只蟹唔够高质系炒唔到出嚟嘅，而且咁大只蟹出面买都唔平，真系好重本，绝不欺场。下次再嚟要试下用花雕蛋白蒸，应可食到更鲜嘅蟹味。(今餐未食完已经期待紧下一餐=.=")蒜蓉粉丝蒸蛏子皇5只 ── 真系好大只，蛏子上面一大堆香葱香蒜够晒惹味。
蒜蓉粉丝蒸蛏子皇5只
21 浏览
0 赞好
0 留言
我就钟意清淡啲，拨走左啲蒜蓉，反正喺蒸嘅过程中，蛏子已经吸收左蒜蓉味。
阿妈点评：咁大只蛏子好贵架，平时我都唔舍得买咁大只呀! 一般嘅蒸法都系将啲粉丝摆埋入蛏子，呢度就将粉丝放晒喺底。好处系拨走左嘅蒜蓉可以捞落啲粉丝度一齐食唔会浪费，而摊平咗嘅粉丝仲可以更平均咁吸收蛏子鲜味同蒜味。粉丝都成为咗主角之一而唔系食左都唔多觉嘅闲角。大蚬炖蛋 ── 第一次食咁大只蚬，每只蚬都落咗唔少葱，令本身已经爽甜嘅蚬肉香口啲。如果再想滑啲可以加埋炖蛋去食。炖蛋冇落太多豉油感觉健康啲。
大蚬炖蛋
25 浏览
0 赞好
0 留言
阿妈点评：你哋出去食亲蚬都系豉椒炒，系惹味嘅，不过太油，同埋啲餐厅好可能用啲冇咁新鲜嘅蚬去炒，因为反正新唔新鲜都好，都会俾豉椒炒嘅味道掩盖咗。所以今次就叫咗蒸嘅俾你哋试吓，蚬肉够晒鲜甜又爽脆。记得食晒啲炖蛋唔好嘥呀。士多啤梨骨 ── 一上枱就闻到士多啤梨嘅香甜。肉都算多唔系得掤骨，而且肥瘦分布均匀，食落去又有肉味又有鲜士多啤梨味，食肥肥地𠮶部份更加有啲油，好滑好味。家姐最钟意食士多啤梨(屋企雪柜梗有一盒)，但又怕肥，都忍唔住食，仲要食左几旧同埋食晒啲士多啤梨果肉。我自己就觉得味道唔错，但我唔钟意「论」骨，我钟意啖啖肉。
士多啤梨骨
17 浏览
0 赞好
0 留言
金华玉树鸡半只 ── 每旧鸡上面都舖左一块金华火腿。出面食金华火腿有时会又老又靱又劲咸，但呢度啲金华火腿就每一片都好鲜色好嫰，而且唔会好咸。
金华玉树鸡半只
12 浏览
0 赞好
0 留言
老豆点评：呢个𩠌个名都改得几好，金华指金华火腿之外，其实应该都系形容啲鸡皮淋左芡后「令立立」，好似旧金元宝咁闪闪生辉。玉树? 中间几棵鲜嫰菜心咪好似棵树咁啰。(丫....又俾佢讲得通)阿妈点评：将蒸鸡剩底嘅汤汁，加调味料芶芡淋喺鸡肉上，所以先咁靓咁鲜味。
上汤浸时菜 ── 「半场休息」之选，阿妈每次见到啲餐厅有上汤浸时菜都会点，因为我地食太多肉，要食多啲菜balance返㖞，就咁烚又太寡，蒜蓉蒸又惊咸，所以上汤浸就最好，容易入口之余又唔会因煮得太耐而失去营养。
上汤浸时菜
18 浏览
0 赞好
0 留言
蟹油银芽炒面 ── 食到尾声仲有咁大碟炒面，卖点系用蟹油炒比只用豉油多一些鲜味。炒出来「令立立」卖相吸引。返工早餐食开豉油王炒面嘅细佬就话呢碟佢包底⋯
蟹油银芽炒面
14 浏览
0 赞好
0 留言
细佬点评：虽然我钟意食咸但蟹油炒出嚟都够味，放左洋葱去炒，更加惹味。好过我日日返工食𠮶啲(废话......)
甜品 ── 一般外面食红豆椰汁糕都系将啲红豆加埋入椰汁糕里面。系，冇错，咁样可以两种味同时入口，但外观睇落好似椰汁糕生暗疮咁(家姐话)，所以每次家姐都会skip左唔食。呢度就系将红豆放喺面再加啲红豆汁，椰汁糕香滑唔在讲，红豆汁比红豆粒更容易将个味道带出嚟。家姐今次就唔skip啦～
红豆椰汁榚
11 浏览
0 赞好
0 留言
第一次食私房菜，觉得厨师系好俾心机去做好每一道菜，唔似一般大集团食肆，嘢食公式化，服务又麻麻，因私房菜要靠口碑去吸客，大集团食肆就唔忧冇生意。特别系喜庆节日，与其等位同人迫仲要食揾笨价，不如食私房菜更显品味。屋企人成餐都好满意，水准绝对系高，价钱都好合理，始终用料足，落重本。虽然系小本经营，但全晚都不断收碟换碟加水加茶，临走仲不断讲多谢晒，服务真系有HEART!
阿妈就老王卖瓜，自卖自夸。佢话好正，大赞
张贴
