星怡

营业中

休息中

阿妈话好挂住之前去马来西亚旅行时啲街头小食, 见到黄大仙现崇山间叫📍星怡📍， 主打星马fusion 菜, 即刻订位同佢食下。🍭加多加多沙律呢个系一个熟嘅蔬菜沙律, 阿妈至爱， 烫过嘅蔬菜冇菜腥味, 味道纯粹，跟浓郁嘅加多加多花生淋酱好配，而且当中仲有爽脆沙葛, 有口感之余仲好惹味。🍭槟城麦片豆腐系现崇山店嘅特色菜, 现叫现做, 啲豆腐炸到外酥内嫩, 再混入炒香咗嘅麦片同咖哩叶, 香脆可口之余, 仲甜甜咸咸, 好配饭嫁!🍭马来鲜虾炒贵刁碟炒贵刁系今晚嘅大惊喜, 送嚟时巳闻到有焦香锅气, 用料好地道, 系深色酱油厚身阔贵刁, 唔系港式河粉, 烟韧有嚼头, 仲有用咗似怡保嘅短小芽菜, 同脆猪油渣, 又香又爽脆, 简直系神还原, 有响槟城街头吃贵刁嘅感觉, 真正好食。🍭肉骨茶配饭汤㨂咗马来版, 药材味浓汤水色泽深, 好正宗。 啲猪排骨嫩滑唔柴, 汤头浓醇, 好快就清哂啲汤. 下次要叫升级版大汤量, 唔好再同阿妈争.