清真惠記

营业中

休息中

虽然唔系成日嚟食，但系都知道呢度有个主打系咖喱羊+鸭髀饭，食过几次，质素都真系几唔错，因为性价比实在太吸引，羊+鸭髀+汤都系$62，所以我每次都净系叫呢个。今日系附近做完嘢谂住再食多次，一坐低当然叫呢个饭啦，点知个姐姐同我讲一直都冇呢个拼法，要咁样拼就要$9X，我就觉得奇怪，明明上个月先食过一次，都系$62，点会冇㖞，之后个姐姐坚持话开咗10几年一直都冇，讲咗几句之后好似好唔耐烦就行开左。之后我就即刻上黎OpenRice睇，原来我无老人痴呆，张相仲要有埋价钱，我俾埋张相俾个姐姐睇，个姐姐都仲要死都话无，谷鬼气最后就走人。其实我都明，而家呢个市道，咁样拼法的确好唔合经济效益，始终呢啲小店都要生存，你照直讲其实我真系OK，都会乖乖地叫个咖喱羊饭，手头松动啲都会加钱嗌双拼，但最唔爽既都系姐姐既态度，好似食就快啲落单唔食就快啲走人咁样，附近又唔系冇嘢好食，唔食你咪唔食你。