影片
更多
2019-01-10
318 浏览
下昼一众同事一齐去食饭，咁岩有同事话想去食细蓉记啲盅饭，所以就去左细蓉记。餐厅入面好多人，放眼望去都几难有4个位。侍应一黎就问我地几多位，之后就叫啲自己一个黎食既客调位。终于，搞一大轮之后，有4个位俾我地落座食个安乐茶饭。点知，原来呢个先系开始。大家睇完餐牌，想嗌野食，有个阿姐话帮我地落。喺我地点餐既途中，阿姐不停咁催我地快啲嗌，我顿时觉得自己去左澳牛。嗌完，啲野食都好快上左枱，其中有同事向侍应表示想要豉油，侍应第一次都好快手上左豉油，第二次既时候就大大声同佢既同事讲：「俾一盅佢地啦。」我知，我地都衰，分两次问你拎豉油，但我地都冇狂咁催，你又何苦以一盅相逼？上埋有「一盅」心意既豉油后，大家都开开心心开始食饭。咪住，仲要嗌野饮。阿姐如常用催人催到甩裤既口吻问我地饮咩后，野饮都迅速黎到，但有其中一杯唔岩。我地又揾阿姐。阿姐用大大声既声线问我地：热奶茶吖嘛！？我同事话：热咖啡啊阿姐。阿姐：你唔岩既话出声吖嘛！…下？如果你钟意呢种高压式嘈音轰炸既环境，而本身又好钟意赛马啲马俾人鞭𠮶种感觉，你系可以黎呢度食个饭既。无可否认，呢度既野系好食既。但我都系想放Lunch食个开心饭，呢度同我都系无缘。推
餐厅入面好多人，放眼望去都几难有4个位。
侍应一黎就问我地几多位，之后就叫啲自己一个黎食既客调位。终于，搞一大轮之后，有4个位俾我地落座食个安乐茶饭。
点知，原来呢个先系开始。
大家睇完餐牌，想嗌野食，有个阿姐话帮我地落。喺我地点餐既途中，阿姐不停咁催我地快啲嗌，我顿时觉得自己去左澳牛。
嗌完，啲野食都好快上左枱，其中有同事向侍应表示想要豉油，侍应第一次都好快手上左豉油，第二次既时候就大大声同佢既同事讲：「俾一盅佢地啦。」
我知，我地都衰，分两次问你拎豉油，但我地都冇狂咁催，你又何苦以一盅相逼？
上埋有「一盅」心意既豉油后，大家都开开心心开始食饭。
咪住，仲要嗌野饮。
阿姐如常用催人催到甩裤既口吻问我地饮咩后，野饮都迅速黎到，但有其中一杯唔岩。
我地又揾阿姐。
阿姐用大大声既声线问我地：热奶茶吖嘛！？
我同事话：热咖啡啊阿姐。
阿姐：你唔岩既话出声吖嘛！
…下？
如果你钟意呢种高压式嘈音轰炸既环境，而本身又好钟意赛马啲马俾人鞭𠮶种感觉，你系可以黎呢度食个饭既。
无可否认，呢度既野系好食既。
但我都系想放Lunch食个开心饭，呢度同我都系无缘。
推荐俾一啲想食好野又唔怕有气受既你同妳。
张贴