影片
更多
2022-11-25
2250 浏览
今晚母亲大人大驾光临，血拼完后又系时候补充体力，问佢想食咩? 佢话想食潮州菜，好彩有呢间。早到早食，二人安排四人侧边枱，卤水/传统潮菜/小炒/水煮系列一应俱全热辣辣炖汤首先出场，今晚有虫草花雪耳炖鸡 ($68)，可提高免疫力，雪耳润肺养颜。超足料，面层唔会有层鸡油，味道清甜，阿妈话饮完成身䁔晒。冻食元朗黄油乌头王 ($188)，已起主骨，食时相当方便，有普宁豆酱点食。话明系黄油乌头，中间位置系见到黄油嘅; 肉质鲜甜，唔点酱汁食都好味，煮法愈简单愈能食出原味，正呀!潮界嘅脆物担当，当然唔少得蚝饼啦 ($93)，送埋鱼露点食蚝仔饱满，散满系蛋饼浆内，入口先脆，然后有蚝仔嘅柔软口感，用啤酒汽水黎配搭，咁邪恶得唔得架?! 哈哈.......简单又专一地点咗呢碟卤水鹅件 ($148)，份量够2-3人分享，相当抵食。鹅肉入口无渣，卤得相当入味，皮下脂肪适中，用黎送潮州粥都唔错。底部有大豆芽，若果有埋卤水豆腐就仲正。上菜速度快，坐得几舒适，本想食埋糖水但已经好饱，绿荳清心丸.................你等我呀.....。
早到早食，二人安排四人侧边枱，卤水/传统潮菜/小炒/水煮系列一应俱全
热辣辣炖汤首先出场，今晚有虫草花雪耳炖鸡 ($68)，可提高免疫力，雪耳润肺养颜。超足料，面层唔会有层鸡油，味道清甜，阿妈话饮完成身䁔晒。
冻食元朗黄油乌头王 ($188)，已起主骨，食时相当方便，有普宁豆酱点食。
话明系黄油乌头，中间位置系见到黄油嘅; 肉质鲜甜，唔点酱汁食都好味，煮法愈简单愈能食出原味，正呀!
潮界嘅脆物担当，当然唔少得蚝饼啦 ($93)，送埋鱼露点食
蚝仔饱满，散满系蛋饼浆内，入口先脆，然后有蚝仔嘅柔软口感，用啤酒汽水黎配搭，咁邪恶得唔得架?! 哈哈.......
简单又专一地点咗呢碟卤水鹅件 ($148)，份量够2-3人分享，相当抵食。
鹅肉入口无渣，卤得相当入味，皮下脂肪适中，用黎送潮州粥都唔错。底部有大豆芽，若果有埋卤水豆腐就仲正。
上菜速度快，坐得几舒适，本想食埋糖水但已经好饱，绿荳清心丸.................你等我呀.....。
张贴
