稻坊 (曼坊) (已結業)

今日去咗美孚到稻坊食晚饭，因为啱季节食长脚蟹。Book位𠮶阵时要订阿拉斯加帝王蟹，如果唔系冇得食。去到一坐低，侍应姐姐就走过来叫你去厨房拣蟹，由于我哋四个大人，侍应姐姐推介咗只5斤4重，望落去劲大只，仲心谂食唔食得晒。等咗大半个钟，只蟹就黎啦！比起海港，好似仲鲜味一啲，海水味好重，每只脚都啖啖肉，不过蟹膏就唔系好多，最后都好似唔系好够食😂之后再叫咗个套餐，有条海鱼，加两个𩠌。清蒸海虎杉条鱼想像中细条，但肉质鲜嫩，蒸得啱啱好。鱼香斑腩茄子煲呢个煲几特别，冇肉碎，感觉好似少咗啲嘢，但配班腩都好特别，茄子比较林，可能因为佢切得薄。黑松露滑蛋炒虾仁呢个值得一赞，成碟𩠌好香黑松露味，落咗好多黑松露，令到啲蛋好咸香。而且啲虾劲大粒，好足料，啲虾仲多过啲蛋😂 最后每人要叫咗一碗白饭捞蛋食，正！临走前妹人叫咗个燕窝炖椰皇，$38都算系咁，虽然细咗啲但系上面劲多燕窝，不过燕窝就鞋鞋地，唔知真定假呢