影片
更多
2014-11-10
2709 浏览
嫲嫲生日，出去同佢食饭庆祝！特登订早啲，等大家唔使太晚走！本来大家念住食大闸蟹，去到见到呢个餐几特别！而且有细路，拆蟹又麻烦！所以最后试新嘢！位置几方便，好近地铁站！不过楼底矮，比较焗促！门口有开放式厨房蒸蟹！坐低侍应即刻冲茶同比银鱼仔花生！落单之后，侍应会攞只活生生嘅蟹出来，比大家影相，又证明新鲜㓥！佢话大约三斤左右！又已经比埋铰剪！好快食物陆续出场！金装拼盘：有三款头盘，炸豆腐、叉烧、烧肉，豆腐好滑，点白醋好味，烧肉比较硬，正常，叉烧蜜汁好味，又系肉质比较硬！上汤波士顿龙虾伊面：例牌份量，上汤汁唔会好咸，但大家第一时间系抢伊面，因为索晒上汤，仲要有咬口，唔系淋晒，龙虾肉好嫩，而且饱满！最后清晒！椒盐阿拉斯加蟹：好香口，本来怕辣嘅肥髀食都话好味，因为一啲都唔辣，似系炸蒜焗蟹，炸蒜好味但味道入唔到蟹肉内，所以唔捞炸蒜食的话，其实系焗蟹脚！真系想叫碗饭！蟹脚已经切段，方便食，蟹肉新鲜饱满，好厚肉！唔会削！花雕鸡油蒸阿拉斯加蟹：鸡油花雕酒味几重，肥髀话苦咬一啖就唔食，其实味道都可以，因为中间有壳包住，唔会好重味，但比椒盐更入味（因为系汁液），又无抢走蟹味，啖啖肉，好满足！玛卡果炖水鸭汤：完
落单之后，侍应会攞只活生生嘅蟹出来，比大家影相，又证明新鲜㓥！佢话大约三斤左右！又已经比埋铰剪！
好快食物陆续出场！
金装拼盘：有三款头盘，炸豆腐、叉烧、烧肉，豆腐好滑，点白醋好味，烧肉比较硬，正常，叉烧蜜汁好味，又系肉质比较硬！
上汤波士顿龙虾伊面：例牌份量，上汤汁唔会好咸，但大家第一时间系抢伊面，因为索晒上汤，仲要有咬口，唔系淋晒，龙虾肉好嫩，而且饱满！最后清晒！
椒盐阿拉斯加蟹：好香口，本来怕辣嘅肥髀食都话好味，因为一啲都唔辣，似系炸蒜焗蟹，炸蒜好味但味道入唔到蟹肉内，所以唔捞炸蒜食的话，其实系焗蟹脚！真系想叫碗饭！蟹脚已经切段，方便食，蟹肉新鲜饱满，好厚肉！唔会削！
花雕鸡油蒸阿拉斯加蟹：鸡油花雕酒味几重，肥髀话苦咬一啖就唔食，其实味道都可以，因为中间有壳包住，唔会好重味，但比椒盐更入味（因为系汁液），又无抢走蟹味，啖啖肉，好满足！
玛卡果炖水鸭汤：完全唔知玛卡果系乜，原来系一种天然保健食品，对身体内分泌，抗疲劳好好！味道其实饮唔出，系一碗好够火喉嘅老火汤，而且难得清澈！好好饮！
清蒸方利：唔系好大条，蒸得刚好，鱼肉好滑！
虾干金蒜日本大根：萝卜无渣，索晒虾米汤，好清甜！
红烧花锦鳝皇：好大一碌，鱼肉好滑，尤其块皮，好厚，好似啫喱咁！肉质淋身！索晒啲汁！
果盘：西瓜同橙，不过西瓜好爽甜，橙就好酸！
棉花糖白兔：系个侍应见肥髀话想食甜品，等主菜上晒，就比碟小白兔佢，一碟四只，好弹好松软，唔会好甜！好味！
寿包：系用个餐奶黄包加钱上去换嘅！好大个，莲蓉好滑，蛋黄好多油！包好松软！好味！
侍应服务勤快，换碟好勤（因为多壳）不过唔太清楚公司优惠，话说枱面放咗个牌关于信用卡优惠，又有生日优惠（食满$1000有寿包仔及9折），问个男侍应佢话有！到埋单部长又话要早两日订位讲定先有！问女店员个餐系唔系原只阿拉斯加蟹（因为如果系例牌就唔抵）佢都要去问！不过每个侍应都好礼貌！
厕所好干净，值得赞！
张贴
