海港酒家

营业中

休息中

今日有个长者生日， 所以选咗嚟食中餐， 而家呢个时间最多人食阿拉斯加长脚蟹， 于是点咗一个呢啲套餐， 都几抵。 另外再加咗羊腩煲及龙虾伊面。环境就真系一般般，劲逼。个乳猪脆卜卜都几好食，唔太肥仲跟少少肉。 阿拉斯加长脚蟹：都几大只，几新鲜， 啖啖肉实实地咁，几鲜甜。 啲膏都几香滑。不过之前我去另一间食，会帮你用一个碗倒晒啲膏出嚟，然之后俾你点蟹肉食。 可能实在太忙啲店员都唔得闲应你。羊腩煲：味道OK，不过啲肉实在太韧，好难咬，未够腍。龙虾伊面：龙虾都几爽蛋，感觉几新鲜。其他嘅𩠌菜，整体唔错。上菜亦都好快。𠮶 竹笙海皇会生翅，就真系麻麻哋⋯⋯另外寿包一半系莲蓉，一半系奶黄。我都系觉得莲蓉好食啲。