阿木台灣麵 (豉油街)

营业中

休息中

旺角呢间台湾餐厅中午同夜晚时段，长期都好多人排队，难得老公放假陪我旺角行街，当然要试吓呢间好出名嘅阿木台湾面，今次我地避开咗午餐时段，大约4点几嚟食，唔洗排队就可以入座。今次叫咗个红烧牛肉面，汤底好浓郁好有鲜味唔会煮到好咸，牛肉份量好多，而且好大块同好厚，牛肉带有筋嘅部份，食落一啲都唔硬仲好冧，口感好丰富，面好烟韧食落好有咬口，值得一试。芝士肉松蛋饼，煎到金黄色外脆内软，里面啲肉松好足料多到掉出嚟，夹埋芝士一齐食好浓郁，咸咸地甜甜地食落好滋味。梅子地瓜条，啱啱炸起嘅地瓜条食落脆卜卜，地瓜条份量好多，而梅子粉唔会太酸，食落甜甜地带轻微嘅酸味，连埋地瓜条一齐食好开胃。