La Parrilla Steakhouse

一间充满热情staff既阿根廷餐厅，风格复古，墙身配上红砖，好有格调。啲职员会好热心向我哋推介食物，而且好好笑容，如果系生日，仲会一齐唱生日歌，甜品有得写名。🩵Hanger封门柳 🥩个肉份量够哂大，熟度但个人觉得偏靭咗少少，但大致都可以。牛味超浓郁，再配搭六种唔同嘅酱汁，各有各嘅风味。🩵Empanada阿根廷咸味饺子-烤鸡🍗一个特别的菜式，好似放大咗嘅饺子。外皮金黄酥脆，今次嗌咗烤鸡嘅馅料，鸡肉嫩滑，而且配合其他配料，香味十足，好味！🩵Rigatoni 辣茄酱长通心粉 🍝弹牙既长通粉，配上淡淡嘅茄酱，互相配合唔会俾蕃茄酱抢咗通粉既味，不过对于食得浓味嘅人嚟讲，依个菜色较淡，辣味嘢都唔系好出。🩵Provoleta 烤焗波芙隆芝士🧀超级邪恶既芝士配搭，做前菜一流，热辣辣溶咗嘅芝士，配上酥脆嘅面包，能够突出味道浓郁嘅芝士，而且拉丝效果一流，钟意食芝士嘅一定唔可以错过。