阿桂老友粉

营业中

休息中

南宁招牌老友粉加鲜腐竹 $34唔知大家有冇经过开新港城广场三期地下呢？其实果度好多食肆可以尝下鲜。今次要介绍阿桂老友粉嘅就系其中一间。呢间铺铺面唔大，净系摆左四五张枱。不过weekdays六点几七点嘅时候铺头大部份位就坐满左，都几多街坊黎食。menu除左有面食之外，仲有饭餐同小菜可以拣，不过选择唔算特别多。第一次试就梗系试招牌菜啦！拣左个南宁招牌老友粉，走辣，面底要米粉，再加$4鲜腐竹，等左大约五分钟多d就到左。所谓南宁招牌老友粉其实有时菜，猪肉片，酸菜，蕃茄同豆豉。汤底好清，饮唔到味精味，酸酸地非常开胃。生菜唔会话煮到腍哂 ，几爽脆。猪肉片事先煎过，所以入口几香。豆豉落左其实同冇落冇乜分别，因为完全食唔出佢嘅味道。腐竹索左汤底嘅味，又滑又香。总括黎讲系好味嘅，而且价钱唔系话好贵。最重要嘅系呢个咁开胃嘅面好适合系夏天热到冇胃口嘅时侯食。