鼎爺私房菜 (已搬遷) 新店位置

今晚有幸被邀请去鼎爷私房菜试一试鼎爷嘅手势。前菜嘅阿爷叉烧系由本地嘅黑毛猪做，肥瘦适中。 鲍鱼酒用花雕浸，好入味。虾饼个人觉得唔够弹牙。蒜蓉蒸象拔蚌。 象拔蚌很鲜甜，不过重点要放在二十年嘅陈皮身上。锦卤云吞。 重点都系个汁， 同坊间比冇咁酸。 送了有叉烧，猪肚， 菠萝同埋红椒。五指毛桃螺头汤，好润好甜好饮， 汤渣啲螺头都好好食。榄角骨，相对较平淡嘅一道菜。砂锅蒜子红炆斑翅。 用深海嘅大鱼造成，啖啖肉，鱼翅部分充满骨胶原。花甲浸时蔬，另一度较平淡的菜。阿爷乞儿鸡，好有鸡味，肉都够嫩滑。桂花黄金炒饭，有锅气，每粒饭都系分开嘅，唔会黐埋一旧旧。听讲呢碟饭用咗九只蛋。仙翁米西米露，唔太甜，啱晒我口味。虽然食物水准都算颇高，但每人收费千二蚊以上真系有点贵。但同场加映阿爷出嚟同我哋影几张相，同电视直播阿爷煮𩠌，叫做补偿下啦。