富豪酒家

营业中

休息中

以阿翁鲍鱼成名嘅富豪酒家，除咗鲍参翅肚之外，一样有提供午餐茶市。点心一样不用人造色素、味精去营造色香味美。每一款点心都朴实无华，好似珍珠鸡为例，用咗大量瑶柱丝调味，冬菇、鸡粒切成幼末，加上糯米饭，口感细腻。虾饺嘅荀丝虾肉比例恰当，13折晶莹透薄嘅外皮，完整包著，一啖刚好入口。牛肉球有陈皮香，唔似坊间咁多粉，以牛肉为主，似食紧牛肉饼嘅口感。冬菇炆鹅掌都唔会输蚀俾鲍汁扣鹅掌，一样入味淋滑。午市都有老火汤可以提供，仲有我最钟意嘅生磨蛋白杏仁茶，又滑又够杏仁味。要拎米芝连一星，果然要兼顾唔同菜式嘅品质，由点心到鲍参翅肚都做得好真系好难得。