阿里山 (渣菲大廈)

营业中

休息中

唔知打从几时开始，香港周围都开满古早味蛋糕店，成日经过都闻到好香既蛋糕味，又大排长龙。铜锣湾景隆街呢度原来新开左间阿里山，装修企企理理。阿里山主打古早味蛋糕，有多达15种口味供选择，当中有唔少特别口味。今日早左d黎到，得三款蛋糕可以拣。蛋糕有得拣大或者细件，第一次黎，我决定拣两件细试试。我呢个朱古力迷决定舍弃原味而试吓两款唔同嘅朱古力味。蛋糕先用牛油纸包好，再放入纸盒。包装有大盒有细盒。蛋糕室温可存放一日，第二日先放雪柜，冷藏存放三日。即时食哂佢最好！返到屋企自己切成薄片享用。浓郁朱古力 $50先试浓郁朱古力。朱古力味浓郁得黎唔会太腻，半溶朱古力粒唔少。蛋糕质地松软，冇嘉顿雪芳蛋糕咁实。之后试西班牙橙粒朱古力。西班牙橙粒朱古力 $60呢个仲正，因为喺朱古力味入面仲有适量嘅香橙味，好香！建议唔好悭呢十蚊升级叫呢款好食d。奶茶原来系同香港金茶王大赛得奖师傅合作制作，买任何蛋糕加$20可要一支师父靓茶 。我试饮左，的确系茶香奶滑唔过甜。今日试过台湾古早味蛋糕，心满意足。