影片
更多
2024-09-24
844 浏览
《狎鸥亭居酒屋 - 尖沙咀》讲起韩国餐厅，一定不得不数呢一间位于诺士佛台既陀地韩国餐馆，事关呢一间餐厅无论系店员、老板定抑或食客，大部份都系讲韩文的，当晚我同朋友大约晚上十点去食宵夜都仲系见到好多韩国人喺度饮烧酒食饭，可能因为佢哋开到凌晨三点既关系，坐到十一二点都仲系见到人流不绝😉可见佢哋喺尖沙咀区嚟讲都算系极具人气，呢一度都算系我喺全香港其中一间最钟意去嘅韩国餐厅🥰因为啲嘢其实都几大份，两个人叫两到三样野绝对够食，唔好唔记得仲会附送泡菜俾大家，食完仲可以叫佢添加架💁🏻♀️One Piece 炸八爪鱼鸡(酱油味) $288其实我次次同呢个朋友都会叫炸鸡，今次佢就推荐呢一个炸八爪鱼鸡，入面有四只劲巨大嘅炸八爪鱼，再加埋酱油炸鸡，个酱油口味甜甜地，炸粉做得几薄，但系又食得到脆卜卜嘅口感，炸鸡仲保留咗肉汁，食落好鲜嫩，𠮶四粒炸八爪鱼真系好巨大😎要叫店员帮忙用铰剪剪开先至方便啲食，味道咸香，而且爽口，我觉得三个人叫呢一个八爪鱼鸡嘅份量就刚刚好啦💁🏻♀️辣酱烤猪肉 $188辣酱烤猪肉会拼埋生菜同蒜片，食落其实唔系好辣，不过好惹味，相信配白饭会十分之下饭😝原来用生菜包住嚟食都几好，唔使食咁多淀粉之
讲起韩国餐厅，一定不得不数呢一间位于诺士佛台既陀地韩国餐馆，事关呢一间餐厅无论系店员、老板定抑或食客，大部份都系讲韩文的，当晚我同朋友大约晚上十点去食宵夜都仲系见到好多韩国人喺度饮烧酒食饭，可能因为佢哋开到凌晨三点既关系，坐到十一二点都仲系见到人流不绝😉可见佢哋喺尖沙咀区嚟讲都算系极具人气，呢一度都算系我喺全香港其中一间最钟意去嘅韩国餐厅🥰因为啲嘢其实都几大份，两个人叫两到三样野绝对够食，唔好唔记得仲会附送泡菜俾大家，食完仲可以叫佢添加架
💁🏻♀️One Piece 炸八爪鱼鸡(酱油味) $288
其实我次次同呢个朋友都会叫炸鸡，今次佢就推荐呢一个炸八爪鱼鸡，入面有四只劲巨大嘅炸八爪鱼，再加埋酱油炸鸡，个酱油口味甜甜地，炸粉做得几薄，但系又食得到脆卜卜嘅口感，炸鸡仲保留咗肉汁，食落好鲜嫩，𠮶四粒炸八爪鱼真系好巨大😎要叫店员帮忙用铰剪剪开先至方便啲食，味道咸香，而且爽口，我觉得三个人叫呢一个八爪鱼鸡嘅份量就刚刚好啦
💁🏻♀️辣酱烤猪肉 $188
辣酱烤猪肉会拼埋生菜同蒜片，食落其实唔系好辣，不过好惹味，相信配白饭会十分之下饭😝原来用生菜包住嚟食都几好，唔使食咁多淀粉之余仲可以解腻，可以夹埋泡菜一齐食就最正
💁🏻♀️水冷面 $108
我一向都喜欢水冷面𠮶种烟烟韧韧嘅感觉，个汤底系用咗雪梨汁去调味，可以再另外落啲醋汁同埋芥末酱一齐食，入面有青瓜、雪梨、腌萝卜等食材，全个面既口味清爽弹牙，十分适合夏天食呢🥰
💁🏻♀️细蜜桃米酒 $168
每次嚟必叫嘅蜜桃味米酒，今次得两个人，所以我哋叫咗个细嘅☺️米酒入边系用咗真嘅蜜桃果蓉调配，米酒嘅酒精含量唔会太高，啱晒唔适合饮咁高酒精嘅女士们，记住饮之前要搅匀佢，如果唔系啲果肉同埋冰沙就会沉晒喺底㗎啦🫶🏻解渴必点
张贴
