Burger Bar (已結業)

星期日holiday, 去中环玩，玩到肚饿想食burger。话口未完见到burger bar，仲唔飞身扑埋去咩。打开menu, 都几多款式拣。不特止，仲可以加配料，加生菜呀、洋葱呀、烤蘑菇呀.... 想加乜都得。于是我拣左鸡扒汉堡，加车打芝士 🤗 一上枱已见到饱身胀卜卜，芝士半溶状态，鸡扒仲好厚。食落原来鸡扒煎过，又香口又嫩滑，同芝士融为一体 😋朋友仲大食，嗌左大蘑菇扒汉堡，加埋烟肉。成个汉堡就更厚，又大蘑菇，又厚牛肉，又烟肉。果汁酱仲系千岛酱，钟意食千岛酱既朋友就啱晒勒。食汉堡梗系唔少得薯角同鱿鱼圈，炸到又热又香又脆。薯角仲有优惠价好抵 😆 再加beer 一beer, 食饱好满足。