麥當勞

营业中

休息中

自从老麦有特价餐，我都好少食正价餐，今日见到有新包推出，又唔贵就试下啦。由于lunch time 去，所以预左人多少少，但系估唔到要排长龙，可能呢间老麦请大量中年职员，做野速度真系会蚀底少少，但睇得出个个好认真做野，有礼貌及有热诚。其实请中年人对老麦型像有正面作用，好过老麦之家捐钱，帮下中年人就业我点了一个 加大 菠萝滋味虾堡餐，有"识shake"粉跟，要左蜜糖味。老麦炸薯条水平好平均，真系好少会 出事。呢间炸薯条合格，炸得几好，又唔会过咸。Zero气水装满，好耐都无试过老麦会装满Zero汽水 菠萝滋味虾堡有生菜，沙律酱，一块炸虾饼，一块鑵头菠萝。主角卖相其实真系好一般，成个饱差唔多色，冇好大对比。因为包装系有纸盒，所以成个包型好"庭"身。味道方面，其实预左沙律酱同生菜炸虾饼好夹，但估唔到 重点系 一块 劲甜鑵头菠萝，出奇地好夹成个饱，硬度适中，如果用新鲜菠萝 一定唔够甜及太硬。老麦虽然间间卖相同野，但系其实食物卖相同处理时间，每间都有分别。愉翠老麦算一间慢但整得几好食既老麦。