海老名沾麵

营业中

休息中

星期六，朝早12:15pm去到海老名，刚刚好赶到最后两碗限定蚝拉面。落完单都等咗差唔多半个钟先至有得食，等嘅时候就见到佢点煮，见到真系好多步骤落足心机！小食上菜喇，成碗面热辣辣，有好香嘅柚子味。汤底系偏甜嘅，但系又唔系好系蚝嘅鲜味，反而我觉得系肉嘅味道多啲，然后柚子味都好重，同平时食咸嘅拉面系明显唔同。钟唔钟意就真系好个人，我自己钟意柚子味又好甜所以我觉得好好食。汤底好浓，面系偏粗，配料有葱、蚝、海苔、肉碎同味蛋，葱煎到好香，入口仲好热，蚝一啲都唔惺，肉碎带甜同埋增加口感，味蛋有啲偏生，略嫌唔够味。绝对系落足心机整嘅一碗面。