School Food (已結業)

由于太钟意食紫菜包饭，所以school food都列入左我心目中嘅常去餐厅系列。今次去竟然撞正佢地做紧优惠，绅士先生只需$18，原价要$68，但就要一定2位以上先可以享有。海怪水冷面$72: 冷面面质同平时嘅水冷面唔同。尼个似上海面mix日本拉面咁，不过都弹牙嘅。另外海怪应该系指八爪鱼，但只有五"粒"，实在小得可怜。面头个啲绿色物体唔知系咩黎。样似系豆类又似系青椒，但食落就带苦味又油，好奇怪。拉丝芝士猪肋骨$88: 一条骨大概切到5件，再加上薯角舖底。猪肋骨唔够入味，不过肉质好淋，好容易就骨肉分离。铁板唔够热，切完条骨啲芝士已经开始凝固返。