樂林小鍋米線 (已結業)

喺附近返工，之前两星期起码黎一次。点知两个月前去，等野食等左成20-30分钟！超混乱！完全唔够人手，唔系唔体谅，而系当打工仔午饭时间短，啲职员又不停队啲唔系我叫嘅米线比我时，真系难免反白眼。过左两个月，谂住比次机会佢！应该搞掂人手问题啦挂？今次12点40分到，超快地12点45-12点50分到左！！！以为可以洗底，点知，个呀婆竟然1点05分催我地走！真夸张！食个米线限时15分钟？隔离旺记都唔会啦！！！！我当然无理继续食，而我朋友食野比较快，已经食完但未饮完野。5分钟之后，个呀婆又催！今次仲闹我挂住倾计食得慢，唔知以为读紧小学比老师话。而重点系我当时只系食左20分钟！以下呢张相就系我食左20分钟嘅米线！讲返食物，其实系差左劲多！我六七年前食(唔知系咪同一老板？但名一定一样)，𠮶时觉得好味好多！而家我一定要走肉碎，如果唔系成碗米线系超油！叫左猪软骨，呢个几好味够淋，牛筋同黑木耳就正常。可惜服务咁差又比人管食野倾计，一定唔会再帮衬！何必贴钱买难受？我会推荐附近嘅一线牵！