影片
更多
2024-08-19
838 浏览
最近喺社交平台见到佐贺烧肉谷推出咗个优惠，为咗庆祝香港运动员喺奥运获得金牌，而家凡点选LV 3或以上就会送A4日本和牛嫩肌寿喜烧一份，每位仲送Sapporo生啤。我同老公见到呢个优惠就二话不说去帮衬下。 餐厅有4个级别嘅餐，我哋拣咗Lv3- 澳洲和牛海鲜放题，有128款食品，可以免费畅饮Sapporo生啤加清酒，任饮任食120分钟。 呢期餐厅仲推出水果夏祭，有多款用水果入馔嘅菜式，包括水果酱封门柳壶渍、 水果酱腌花鱿鱼、 朱古力棉花糖香蕉船、 椰青糯米糍、 猫山王榴梿刈包、 日本香脆蕃薯、 榴梿炸弹、吕宋芒杂果沙律， 自助区方面亦有柠檬可乐鸡翼、 山贼汁火龙果炒牛肉。其中吕宋芒杂果沙律用上新鲜嘅吕宋芒，份量十足，味道鲜甜，喺烧肉之前作为开胃菜绝对系一个唔错嘅选择。 杂果酱封门柳壶渍混合咗日本柚子、苹果、奇异果、柠檬而制成嘅酱汁，味道酸甜清新。 首先职员先送上第一轮烧肉同海鲜， 烧肉用个木梯装住，仪式感满满😍，包括有美国牛胸腹肉、严选牛肩里肌、特选牛小排、牛舌、美国和牛肩胛肉眼、澳洲谷饲原块牛板腱、澳洲和牛、澳洲和牛特上。牛肉质素逐级而上，我哋都顺住次序咁烧，当然最好质素系澳洲和牛、澳洲
最近喺社交平台见到佐贺烧肉谷推出咗个优惠，为咗庆祝香港运动员喺奥运获得金牌，而家凡点选LV 3或以上就会送A4日本和牛嫩肌寿喜烧一份，每位仲送Sapporo生啤。我同老公见到呢个优惠就二话不说去帮衬下。
餐厅有4个级别嘅餐，我哋拣咗Lv3- 澳洲和牛海鲜放题，有128款食品，可以免费畅饮Sapporo生啤加清酒，任饮任食120分钟。
呢期餐厅仲推出水果夏祭，有多款用水果入馔嘅菜式，包括水果酱封门柳壶渍、 水果酱腌花鱿鱼、 朱古力棉花糖香蕉船、 椰青糯米糍、 猫山王榴梿刈包、 日本香脆蕃薯、 榴梿炸弹、吕宋芒杂果沙律， 自助区方面亦有柠檬可乐鸡翼、 山贼汁火龙果炒牛肉。
其中吕宋芒杂果沙律用上新鲜嘅吕宋芒，份量十足，味道鲜甜，喺烧肉之前作为开胃菜绝对系一个唔错嘅选择。
杂果酱封门柳壶渍混合咗日本柚子、苹果、奇异果、柠檬而制成嘅酱汁，味道酸甜清新。
首先职员先送上第一轮烧肉同海鲜， 烧肉用个木梯装住，仪式感满满😍，包括有美国牛胸腹肉、严选牛肩里肌、特选牛小排、牛舌、美国和牛肩胛肉眼、澳洲谷饲原块牛板腱、澳洲和牛、澳洲和牛特上。牛肉质素逐级而上，我哋都顺住次序咁烧，当然最好质素系澳洲和牛、澳洲和牛特上，肉质嫩滑，油脂感重，入口即溶嘅感觉。
海鲜方面有大海老、原只鲍鱼、青口、日本原只生蚝、法国黄金螺、原条鱿鱼筒、照烧帆立贝、一夜干等等，而且都好新鲜，食多几只鲍鱼都回晒本。
之后职员就送上A4日本和牛嫩肌寿喜烧，职员会帮手烧，呢个A4日本和牛嫩肌真系无得顶，细致而精美嘅霜降脂肪，非常吸引，牛味浓郁，质感柔软细腻，再点埋个鸡蛋酱油，真系perfect。
除咗和牛，仲可以透过QR code落单，有豚肉、鸡肉、海鲜、沙律、日式料理、蔬菜、饭面汤等。大家亦不妨试下日本和牛炒面，可以自己DIY，玩味感十足。先加入牛油，再煎香牛肉同埋加入洋葱和三色椒，最后洒上酱汁便可，香气四溢。
自助吧都有各式饮品同甜品。食完烧肉可以烧下菠萝同埋铜锣烧。
甜品方面有士多啤梨味同蜜瓜味雪糕，仲可以加自己钟意嘅toppings。
张贴
