會所1號 維港皇宴

营业中

休息中

等咗差不多两个月，二人限聚放宽至四人，终于可以同班姐妹食饭聚吓，意外发现呢间做开酒席既酒楼有中式放题，即管试一试。睇睇张菜单，选择都算唔少，望落去好多小菜都想试。呢个放题价每位会包龙虾🦞半只、烧乳鸽半只、鲍鱼一只、炖汤或翅一碗、小菜任食及最尾每人一杯Movenpick 🍨，以2百几蚊一位计，算抵食。味道方面，大家一致认为好有水准，唔会见放题就hea，每样味道都唔错，极力推介龙虾、话梅猪手、咕噜虾、牛仔肉、啫啫生菜。呢啲放题机会真系疫情先有，因为场地真系主打婚宴，唔系疫情，真系冇可能有呢啲放题。另外，要赞一赞侍应们服务都好好，不停换碟同加茶。此外，呢度仲有维港夜景，如果黄昏时候到达，景色优美。仲有一点要赞就系呢个放题每晚只有一轮，即系真系可以6点食到9点几因为9点last order，跟家人或朋友真系可以好好慢慢享受晚餐，唔怕俾人赶走做第二轮晚市。