影片
更多
2020-12-29
2561 浏览
今次黎上环食既系呢区呢间西餐厅都算比较出名，之前嚟过两次都系食lunch，性价比唔错。但系今次就决定咗嚟再试吓佢嘅晚餐，睇吓质素如何。晚餐set Menu系按course既数目收费，如果只系拣Menu上面拣正常指定食品最贵就每位$608加一。但如果想转多啲花款同配搭嘅话，就可能要加一百至几百蚊不等。系限聚令既情况下，四个人食饭，餐厅就安排左一间细房俾我地分两张枱坐，枱与枱之间有间胶板。今次就试左四个前菜，两个main course同一个甜品。前菜: 忌帘汁煮青口呢味前菜比利士风味十足，青口本身就唔大只，不过胜在够新鲜同肥美。呢层当然就同餐厅煮法有好大关系。青口完全唔会过熟，口感食落去涨卜卜好Q弹，咬落去啲膏会爆出黎，生熟程度佮到好处。忌帘虽然呈水状，但依然好rich，咸度都刚刚好。不过讲好食，一定唔够去比利士当地食好食😂不过呢个食下过过瘾都可以既。前菜: 香煎带子带子够大只，上下都有煎到少少浓面，但入边亦唔会过熟，调味适中，唔错。隔离有三只系蜗牛，同螺肉口感差唔多，不过就林少少。第一次食蜗牛，调味做得唔错，几好食。我觉得成道菜最特别就系佢红色𠮶块脆脆。虽然我唔系好肯定系咩嚟，不过喺中间
晚餐set Menu系按course既数目收费，如果只系拣Menu上面拣正常指定食品最贵就每位$608加一。但如果想转多啲花款同配搭嘅话，就可能要加一百至几百蚊不等。
系限聚令既情况下，四个人食饭，餐厅就安排左一间细房俾我地分两张枱坐，枱与枱之间有间胶板。
今次就试左四个前菜，两个main course同一个甜品。
前菜: 忌帘汁煮青口
呢味前菜比利士风味十足，青口本身就唔大只，不过胜在够新鲜同肥美。呢层当然就同餐厅煮法有好大关系。青口完全唔会过熟，口感食落去涨卜卜好Q弹，咬落去啲膏会爆出黎，生熟程度佮到好处。忌帘虽然呈水状，但依然好rich，咸度都刚刚好。不过讲好食，一定唔够去比利士当地食好食😂不过呢个食下过过瘾都可以既。
忌廉汁煮青口
97 浏览
0 赞好
0 留言
前菜: 香煎带子
带子够大只，上下都有煎到少少浓面，但入边亦唔会过熟，调味适中，唔错。隔离有三只系蜗牛，同螺肉口感差唔多，不过就林少少。第一次食蜗牛，调味做得唔错，几好食。我觉得成道菜最特别就系佢红色𠮶块脆脆。虽然我唔系好肯定系咩嚟，不过喺中间加一层脆脆伴碟，令到成碟𩠌嘅口感提升左层次。
香煎带子配法国蜗牛
78 浏览
0 赞好
0 留言
雪梨配香煎鹅肝:
呢个我鹅肝绝对值得试，我咁大个女都未食过咁大块鹅肝。大概有半只手掌咁大。外边煎到脆皮，内里啱啱好半熟，食完真系好满足，两个人分都绝对够食。另外雪梨系焗左既，好唔好食就见仁见智。不过成碟菜嘅主角都系鹅肝，所以其他嘢食我就唔特别介绍啦。
香煎鸭肝配雪梨
62 浏览
0 赞好
0 留言
蟹肉忌廉竹笋:
相比起鹅肝我觉得呢个𩠌冇咁突出，始终系拆出嚟嘅蟹肉，做唔到啖啖肉效果。加上配既系比较浓味嘅忌廉汁，反而食唔到蟹肉本身嘅清甜。而且竹笋都唔算系话特别出色，成个𩠌整体口味偏咸，所以如果拣嘅话都系建议食鹅肝🤪
蟹肉忌廉竹笋
52 浏览
0 赞好
0 留言
香煎鱼块:
呢个我唔系好记得系乜嘢鱼，好似叫牙鱼。不过层皮的确煎得好脆，鱼肉唔会过熟。食落去味道有啲似比目鱼，因为鱼嘅脂肪含量比较高，分布都比较平均。所以整体食落去非常香同和味。而且鱼肉够厚身，做主菜绝对够食。
香煎牙鱼
46 浏览
0 赞好
0 留言
碳烧龙虾:
呢度菜可以选择加钱升级做蓝龙虾。蓝龙虾会比较大只，味道更加鲜甜。如果唔系就可以选用返普通嘅美国龙虾。碳烧既煮法可以令到龙虾收水，鲜味更加浓郁。不过如果比起英国嘅lobster&burger清蒸，我会更加怀念系英国嘅食法😆不过呢度龙虾整体调味都唔错，未好食到识飞，但系食下过过瘾都唔错。
美国炭烧龙虾
49 浏览
0 赞好
0 留言
70% 黑朱古力心太软配雪糕:
呢个系我食过比较有特色嘅心太软，因为据说系用左某大酒店嘅甜品师傅嘅秘方。食落去好明显可可粉嘅比例比较重，朱古力酱特别结身，比起普通心太软冇咁甜。另外我拣咗朱古力雪糕，雪糕好食，佢系做到出边有有一层薄冰，令到上菜嘅时候雪糕冇咁快溶。但系绝对唔会食到有冰渣咁嘅感觉，反而雪糕真系几惊喜。
黑朱古力心太软配朱古力雪糕
37 浏览
0 赞好
0 留言
总括而言我觉得呢间西餐厅质素水准保持得好稳定，食夜晚饭嘅好处就系可以试到更多菜式。但讲抵食，午市比较性价比。如果要挑剔嘅话，我会觉得呢间餐厅冇offer意粉类嘅食物，如果钟意餐餐都有啲淀粉质落肚嘅话，食完一定唔够满足。
张贴
