影片
更多
2020-07-23
4032 浏览
非常幸运可以系限聚令开始前试到哩间餐厅每样食物都非常精致而且用料新鲜 烹调合宜友人果然拣得好😝.花木套餐有「梅」「竹」两款「梅」套餐$1288（星期日至三有75折）「竹」套餐$1988（冇折扣）两款套餐都系8道菜 最大分别系「竹」套餐有A5和牛同埋大拖罗而「梅」套餐嘅就系安格斯牛同埋中拖罗其他菜色都有少少唔同 不过两个套餐各有特色 都好吸引㗎🙈今次我地试嘅就系「梅」套餐🤤.前菜有四款 由淡味到浓味矶煮鲍鱼 入口软滑 非常弹牙酱汁味唔会好浓 显出鲍鱼嘅鲜味 非常好味🙈芥末渍八爪鱼 系我最钟意嘅前菜八爪鱼弹牙 芥末辛辣 味道非常刺激😝酱油渍吞拿鱼 吞拿鱼系鱼干嘅口感 酱油味浓郁不过比较浓味 同其它菜色交替食用会比较好酱油渍鲍鱼肝细细个屋企人就教落 食鲍鱼一定要去走内脏今次系第一次食鲍鱼肝 估唔到真系食得😂鲍鱼肝有好浓嘅海产味钟唔钟意就真系见仁见智🙈.沙律系 大虾无花果罗文菜沙律大虾非常弹牙 无花果干香甜 蔬菜爽脆新鲜加埋我最钟意嘅芝麻酱 真系食到停唔到口🙈.刺身有4款 大拖罗 赤贝 真鲷 北海道海胆杯大拖罗满布油脂 入口即溶 完全系形容唔到嘅美味 唔洗讲咁多 一定要食🙈赤贝爽口 鲜甜 真心
可以系限聚令开始前试到哩间餐厅
每样食物都非常精致
而且用料新鲜 烹调合宜
友人果然拣得好😝
.
花木套餐有「梅」「竹」两款
「梅」套餐$1288（星期日至三有75折）
「竹」套餐$1988（冇折扣）
两款套餐都系8道菜
最大分别系「竹」套餐有A5和牛同埋大拖罗
而「梅」套餐嘅就系安格斯牛同埋中拖罗
其他菜色都有少少唔同
不过两个套餐各有特色 都好吸引㗎🙈
今次我地试嘅就系「梅」套餐🤤
.
前菜有四款 由淡味到浓味
矶煮鲍鱼 入口软滑 非常弹牙
酱汁味唔会好浓 显出鲍鱼嘅鲜味
非常好味🙈
芥末渍八爪鱼 系我最钟意嘅前菜
八爪鱼弹牙 芥末辛辣 味道非常刺激😝
酱油渍吞拿鱼
吞拿鱼系鱼干嘅口感 酱油味浓郁
不过比较浓味 同其它菜色交替食用会比较好
酱油渍鲍鱼肝
细细个屋企人就教落 食鲍鱼一定要去走内脏
今次系第一次食鲍鱼肝 估唔到真系食得😂
鲍鱼肝有好浓嘅海产味
钟唔钟意就真系见仁见智🙈
.
沙律系 大虾无花果罗文菜沙律
大虾非常弹牙 无花果干香甜 蔬菜爽脆新鲜
加埋我最钟意嘅芝麻酱 真系食到停唔到口🙈
.
刺身有4款 大拖罗 赤贝 真鲷 北海道海胆杯大拖罗满布油脂 入口即溶
完全系形容唔到嘅美味
唔洗讲咁多 一定要食🙈
赤贝爽口 鲜甜
真心未食过咁爽甜嘅赤贝
真鲷被切成一朵花嘅形状
不得不赞师傅刀功好好😆
鱼肉细嫩 非常新鲜 好好味🤤
我最钟意系哩个北海道海胆杯
个杯仔有好靓嘅兔仔花纹 富有日本特色🐰
海胆鲜甜甘香 三文鱼子带有咸味
下层嘅带子肉厚鲜嫩
底层嘅柠檬讲带子嘅鲜味发挥到极致
师傅摆盘真系好有心思！
.
酱油烧宫崎和牛（A5）和牛烧恰到好处 内层呈现粉嫩嘅颜色
油脂香浓 入口即溶
可以按自己嘅喜好配上酱油/柠檬汁/蒜片食用
唔食蒜嘅我最钟意嘅食法系配酱油！
牛味浓郁 唔讲以为自己去左日本🙈😂
.
竹海老天妇罗
另一款今晚最爱嘅菜色
我平日唔太钟意食炸野 所以好少会食天妇罗
但哩度嘅天妇罗炸粉唔厚
炸粉啱啱好包住大虾 入面完全冇空心
大虾更加系弹牙到不得了 超级惊喜
旁边嘅青椒天妇罗都好好食😝
.
鹅肝多士伴黑松露酱
黑松露沙律酱酸酸甜甜 松露味道浓郁
鹅肝油分丰富 而且非常嫩滑
不过略嫌有啲heavy🙈
.
主食部分可以选择鲷鱼汤手打乌冬/花木寿司
我地就拣左花木寿司
寿司系中拖罗 同埋 海胆
海胆鲜甜 紫菜非常脆
食完真系满口幸福感
中拖罗比起大拖罗嘅油脂冇咁丰富
不过鱼味比较浓郁 系另一种享受
两款都好好食🙈
.
最后甜品系 芒果布甸 同埋 团子水信玄饼
甜品味道清甜 刚好可以中和返前面食物嘅油腻感
带黎一种食得好健康嘅幻觉（唔洗减肥啦😂）
张贴
