黃枝記 (已結業)

Item: 黃枝記
Rating: 4
Author: derekyummy

Wong Chi Kei

3.5

90 食记

味道

环境

服务

卫生

抵食

2523

中环

$51-100

粤菜 (广东) 粉面/米线粥品

derekyummy

等级4

233

一直以黎，「黄枝记」俾我既感觉都只系以「卖面」为主既老字号。直到今次帮衬之前，我都唔知道原来系有其他野食既！是晚一行人谂住黎个last minute既「快闪」饭聚，心谂呢度咁「偏(僻)」应该冇死啦，点知去到先发现里面已经差唔多八成full！好彩黎得早咋，如果唔系要等位就大大镬！餐厅位于中环士丹利街，由港铁站「兰桂坊」个出口行去对面娱乐行再行差唔多一分钟就到。我相信有食过烧鹅、蒲过「老兰」又或者去过马会博杀既都唔需要我多讲喺边度啦！进入餐厅既时候要经过一条旋转楼梯直通basement，沿途墙身挂满黑白既旧照片，简单介绍餐厅既历史。短短几秒既路程，令到我地彷佛好似walkthrough晒黄枝记由广东至澳门，再到香港差唔多六十多个年头既简史！鲜虾云吞面 ($38): 黎得呢度又点可以唔试下呢味起家既招牌菜呢？叫得「细蓉」个size当然唔会太大，不过居然有四粒大大只既云吞！每只云吞里面更加有两只虾，捞埋刚刚好唔太肥、又唔太瘦既猪肉一啖咬落去真系好爽口，正！面身方面算唔错啦，都几爽口，但可能因为系全蛋面既关系，同一般面舖用鸭蛋整既面有少少唔同，相对冇咁香，但亦都因为咁相对较为健康！炸鲮鱼球 (细

32 浏览

0 赞好

0 留言

进入餐厅既时候要经过一条旋转楼梯直通basement，沿途墙身挂满黑白既旧照片，简单介绍餐厅既历史。短短几秒既路程，令到我地彷佛好似walkthrough晒黄枝记由广东至澳门，再到香港差唔多六十多个年头既简史！

77 浏览

0 赞好

0 留言

鲜虾云吞面 ($38): 黎得呢度又点可以唔试下呢味起家既招牌菜呢？叫得「细蓉」个size当然唔会太大，不过居然有四粒大大只既云吞！每只云吞里面更加有两只虾，捞埋刚刚好唔太肥、又唔太瘦既猪肉一啖咬落去真系好爽口，正！面身方面算唔错啦，都几爽口，但可能因为系全蛋面既关系，同一般面舖用鸭蛋整既面有少少唔同，相对冇咁香，但亦都因为咁相对较为健康！

炸鲮鱼球 (细) ($58): 鲮鱼球炸到外脆内软，绝对无捞味精同埋坊间成日食到令到个口浆住晒既粉，超正！值得一提既系蚬蚧，咸咸地之余又隐约feel到佢果阵海鲜味，喺食鲮鱼球之前点一点再一啖咬落去个感觉真系超正！

士多啤梨咕噜肉 ($88): 咕噜肉炸到外脆内软，炸粉既厚度刚好，食到外面脆脆地之余又能够锁住肉汁，唔会「硬晒軚」咁。同一般用菠萝整既酱汁唔同，士多啤梨相对黎讲较酸，但入口时却出奇地感受唔到酸既感觉，我谂应该系厨师喺调味到落左工夫，抵赞！至于D配料好似青椒同洋葱就一般般啦，不过索埋个汁之后酸酸甜甜咁非常之开胃。

驰名肉丝炒面 ($85): 炒面炸到脆卜卜，非常chunky口感极佳！特别值得一提系佢个茨汁，当炒面索左D汁之后腍腍地既口感非常特别。菜心方面亦都食得出落足心机去整，应该系先用碱水渌过，然后先同面一齐去炒，所以能够keep住青绿既卖相之余亦都非常之腍，非常之易入口。

肉丝切得非常之幼，绝对无「鞋口」既感觉。建议最佳食法系先放一小拙面落个碗到，再夹一条菜加一推肉丝同埋少少茨汁捞埋一齐，口感极佳！

柱候牛腩拼猪手 (双拼) ($98): 牛腩炆得非常之腍同入味，令到牛既每一部份都充份索满晒柱候汁，抵赞！至于猪手方面，个人觉得好似D骨稍为多左少少，而味道方面就偏向柱候多过南乳风味，唔通系因为索晒碟底既柱候汁？Anyway，整体感觉都叫做OK既！

总括黎讲，呢度绝对系「more than just noodles」，非常适合三五知己既last minute聚会。就算系平时闲日夜晚，只要唔太晏去都非常大机会可以walk-in有位。不过，可能因为当晚坐喺地牢既最角落位既关系，电话网络既接收稍为差左少少（我地试晒四个台加埋都系得五格！），所以要留意有机会miss左D电话同whatsapp呀！