Bifteck (已結業)

上次新开张时都黎过Bifteck食晚餐，今次就试下weekday set lunch。set lunch 每位$248元起，价钱唔算平，不过有齐哂 4-course，感觉好丰富。虽然Bifteck系主打食牛既steak house，但都有其他海鲜选择，前菜我拣左 +$48 日本红蟹肉可乐饼配辣甘笋汁，炸得脆卜卜热辣辣，真系有丝丝蟹肉，真材实料，配埋辣辣地既甘笋汁好惹味。餐汤系蕃茄牛肉汤，煮得够火候，牛肉炖得入口即融。main 就拣左波士顿龙虾带子手打意粉配樱花紫菜汁，呢款不需要另外加钱，手打意粉是自家制，所以不是平时食开的滑口意粉，而是粗糙带有咬口，手工制意粉的成本和心机比现成意粉多，龙虾已经切件，新鲜啖啖肉。最后甜品有yoghurt雪糕，酸酸地好清新，不会太有罪恶感。