影片
更多
2022-06-01
1631 浏览
其实，好少写负评, 因为再唔好食, 其实都系一餐, 最多下次唔去。但今次破格, 因为真系忍唔住, 真心CP值太低。睇完某KOL嘅youtube片，见佢讲到只鸡咁正, 谂住带啲朋友去食好东西......佢主打系Tapas, 我都知系细细份嘅, 分量无问题, 我无意见。但款式好少, 10样有8样系炸物, 交货黎咁样, 无咩技术可言。墨西波, 个名好有趣, 食起上黎就好似普通炸免治肉球, 无特别, 就系肉球一个; 韩式水牛城鸡锤 , 又系好普通。叫咗个意大利水牛芝士车厘茄沙律 , 味道好普通;最深刻印象系入边嘅迷仔水牛芝士, 系无味嘅(唔系淡味, 系无味, 好想知系咩牌子...) 我有认真去"嗒"下阵味, 真系, 无。日本一级海胆酱意大利饭, 热嘅时候已微腥, 冻咗少少就更腥, 其中一个friend, 食咗一啖, 就放低咗只叉, 唔出声....我唔想浪费食物，唯有食埋佢。要订𠮶只香烧三黄鸡, 就系睇片话必食嘅, 等咗一个钟 (无问题, 你同我讲要等, 我有心理准备就唔会嘈) 满心期待, 谂住比佢翻盘嘅机会。味道一般, 有啲酒香, 鸡味唔出, 除咗鸡脾位置稍为嫩滑, 其余都"鞋", 烧鸡
睇完某KOL嘅youtube片，见佢讲到只鸡咁正, 谂住带啲朋友去食好东西......
佢主打系Tapas, 我都知系细细份嘅, 分量无问题, 我无意见。但款式好少, 10样有8样系炸物, 交货黎咁样, 无咩技术可言。
墨西波, 个名好有趣, 食起上黎就好似普通炸免治肉球, 无特别, 就系肉球一个; 韩式水牛城鸡锤 , 又系好普通。
叫咗个意大利水牛芝士车厘茄沙律 , 味道好普通;最深刻印象系入边嘅迷仔水牛芝士, 系无味嘅(唔系淡味, 系无味, 好想知系咩牌子...) 我有认真去"嗒"下阵味, 真系, 无。
日本一级海胆酱意大利饭, 热嘅时候已微腥, 冻咗少少就更腥, 其中一个friend, 食咗一啖, 就放低咗只叉, 唔出声....我唔想浪费食物，唯有食埋佢。要订𠮶只香烧三黄鸡, 就系睇片话必食嘅, 等咗一个钟 (无问题, 你同我讲要等, 我有心理准备就唔会嘈) 满心期待, 谂住比佢翻盘嘅机会。味道一般, 有啲酒香, 鸡味唔出, 除咗鸡脾位置稍为嫩滑, 其余都"鞋", 烧鸡, 皮唔脆....白灼伴菜, 又系无味嘅。
唯一格硬揾样嘢赞，就系啲野食够热。讲环境, 我唔系要食玻璃𠮶啲客, 我唔太介意环境, 干净就可以。除咗张椅有啲啲唔舒服，无特别。
讲服务, 话哂系table service, 我预佢都会见啲碟有骨有沙律汁, 会帮手换下先食意大利饭....无。
系, 系 wine & tapas，不过食品除咗普通, 谂唔到第二个形容词, Tapas唔见得特别出色, 就好似系预你饮过酒之后味觉变弱, 就随便做啲食物比你佐酒嘅感觉。四个人差不多每人$400, 可能大部分去咗做佐敦地舖租金。
怪就怪我啲同事唔饮酒, CP值真心低。
最后食完，啲朋友佢地好好，无出声批评, 但毫无表情咁离开, 我劲唔好意思, 觉得自己好失败。
张贴
