HOMY WINE & TAPAS BY ERIC KWOK

营业中

休息中

睇無線介紹呢間餐廳，隻燒雞係用好多功夫做，又120分鐘任食咁，所以黎試吓用WhatsApp book位，好easy入到餐廳唔洗排唔洗等。店員拎住個餐牌，教我哋話可以全部食一轉先，然後再揀邊樣再叫。只係skip咗我哋唔食果d.個店員超好，逐樣介紹！我最愛嘅熒光魷魚、芥末八爪魚、枝豆，好新鮮！河豚魚乾，又香又暖笠笠蟹肉餅-原粒都係蟹肉！炸生蠔、炸池魚，炸春卷　，全部都係新鮮即炸feel，唔係一般嘅炸物，全部勁新鮮，勁好食！隻招牌雞真係不得了，雞胸都可以咁嫩滑！而且成隻有酒香老公話呢間，性格比高過上星期剛吃過嘅文華自助餐咁好食，值得繼續支持

早陣子，試完街頭的日式串燒，相當有驚喜，今日朋友找吃午餐，一於唔諗，相約到來，在同一老闆分店，日式在街頭，西餐在街尾，相當有趣。首次到來，開放式廚房，看到厨子埋頭苦幹煮嘢食，作為一個為食貓，每每覺得這是㕑子的魅力。意粉午餐有四款選擇，包括意粉主食及餐茶，每款$98可以追加:田園沙律$20,是日餐湯$20,是日甜品$30.組合追加很有彈性。當日筆者選擇了是日餐湯，因為是龍蝦湯，相當味美吸引，很快KO，抱歉忘了拍照。蒜片香辣蜆肉帶子意粉~筆者很喜歡這意粉的煙韌度，帶點點辣，很醒胃，一向不嗜辣，也可接受。濃蝦汁香辣意粉~醬汁厚身掛麵，豐富質感，香辣程度適中，筆者最喜歡的就是那隻蝦，超彈彈。是日甜品~追加是日甜品另加$30, 當日是蘋果金寶，餅底反而覺得未夠脆身。由於上次午餐試完意粉，很有驚喜，於是今天晚上，和朋友一再試試這裡的晚餐。椒鹽陳年豆腐$58~西式風格臭豆腐，筆者麻甩性格，臭啲仲吸引，伴海鮮醬，及沙律菜，真係估唔到西餐有此下酒小吃。美國馬利蘭蟹肉餅$98~由於㕑子是sommelier，所以Wine List 都有很多選擇而且有質素。清酒煮沙白蜆伴長法包$228~九層塔的香味相當吸引，

星期五晚幾個老友去邊樹晚餐好呢？就揀咗這間"Homy"實行一起Happy Friday🖐🏽🖐🏽🖐🏽🖐🏽🖐🏽🖐🏽🖐🏽🖐🏽🖐🏽🖐🏽🖐🏽🖐🏽🖐🏽🖐🏽🖐🏽📌📌餐廳位置於閩街5号，🚉佐敦站C1出前行，横街，不起眼！🌇🌇環境： 以白色為主調， 樓底非常高，能擴闊空間感！ 地方不太大，但勝在坐得舒服！餐桌上以彩色餐紙巾擺放，令桌上更添色彩！心情都唔同啲！💗💗💗💗💗💗💗💗💗💗💗💗💗💗💗1️⃣ 生蠔：🦪🦪M Specials N2 @$66 🦪🦪Josephine N2 @$62兩款生蠔各有不同: 一款係清清哋冇甘濃味，新鮮嫩口！ 另一款Josephine 比較有海水味,味道濃郁些，唔會太腥及太鹹！兩款口味梗有一款啱！🦪🦪🦪🦪🦪🦪🦪🦪🦪🦪🦪🦪🦪🦪🦪2️⃣ 香燒三黃雞 $698當waiter 端上這隻Homy Signature Roasted Chicken, 頓時成為我們的新焦點，燒雞的底層伴着香草黃薑雞油炒飯，雞皮燒成薄如紙，還有一點焦香味道，皮脆肉嫩，肉汁飽滿，火候剛好。waiter 還殷勤地幫我們拆肉去骨，有人連雞尾也吃得很滋味，這隻雞不愧成為今晚飯局的高光時刻！🐓🐓🐓🐓

從來沒試過一間 全部都差 味道，環境，裝修，檯凳，餐具，價錢，食材係香港好難搵到一間比佢地差嘅餐廳。首先講個價錢，接近酒店價 但係食材就係比路邊推車仔仲要差。370蚊 半隻 雞仔 ，又鹹，又窿，又孩。70蚊 4快 豆腐乾，成本$1蚊都唔洗98蚊 一個罐頭蟹肉+麵粉 炸餅 又係$10蚊成本都唔洗。都可以夠膽賣成百蚊唸住一間餐廳點都會有提供水 或 熱水，竟然要收$12蚊一杯，大佬 水喉水都咁暴利。如果大家錢多可以去試一下，反正一定會有人狂sale 你食貴嘢。幾多錢一餐唔係問題，好食唔介意俾 但係綜合全部 沒嘢值得就好貴，大家慎入

今晚在佐敦工作所以要食返個early dinner。叫咗一份芝士火腿拼盤同埋一個卡邦尼意粉，開工前梗係要對自己好D，不過可惜唔飲得酒，因為呢間餐廳似乎有好多靚酒。份芝士火腿拼盤入面的芝士款式都幾多，芝士火腿都有各有3種，味道各有不同幾有趣。值得一提係拼盤仲有D橄欖。幾大粒同出面食開幾好唔同，幾好食。卡邦尼意粉芝士味好濃，意粉咬落好有質感，配埋有D煎香過既煙肉幾好食。食完都幾滿足，唔錯唔錯。睇之前D食評出名係隻雞，下次有機會要搵多D朋友黎試埋佢同其他野先。

Been there few weeks ago. The restaurant in a hidden alley of Jordan. Though it's not big yet I like its cozy vibe. We ordered the Tasting Menu. It started with a Seafood Platter. As an oyster lover, I found them very fresh and creamy. The French sparkling wine recommended by the chef matched perfectly with the seafoods.Then we could chose either the Mussels or Tapas Platter.  Since there were 4 of us, we tried both. The Tapas Platter was really a surprise. The croquettes were so crispy and tast

之前上網見到Ricky大力推介喺呢度嘅燒三黄雞🤩 但係又見到openrice網民嘅海量劣評🫢 最後當然都係親身試過自己決定俾分😌  燒雞上枱個樣已經好靚仔 雞皮焗到脹卜卜 火候掌握得好 果然係皮脆肉滑又多汁😋 唯一係如果食多幾件會覺得太鹹有啲口渴  另外食咗生蠔都好新鮮👍🏻 青口就太細隻冇乜肉食 處理比較辛苦😛  不過個汁幾惹味hahahaha整體來講喺佐敦小區都算高質西餐廳可以親身試吓再評分

認識此店的主事人多年(可能有10年至15年)，他選的紅酒白酒sparkling毋庸置疑，我自己最欣賞就係佢鍾意揀啲相對冇咁出名嘅酒莊但係酒嘅質量性價比極高，另外紅酒白酒要配什麼食物方面他非常有心得，不過烹調技巧又得唔得呢？我係食佢個三黃雞之前都抱有懷疑嘅態度，不過食完之後覺得真係好味。看見網上很多人都對此招牌三黃雞有一些看法，我也在此指點江山一下🤣首先我想講嘅係點解燒雞一定要脆皮呢？又唔係炸子雞！其實味道好就可以啦，而此店的三黃雞重點在於烹調之前用嘅香料去醃製隻雞，配料嘅份量同埋醃製嘅時間都要掌握得好好，如果太短就唔夠味，如果太長嘅話啲香料嘅味道又會蓋過晒隻雞嘅味道，喺呢方面此三黃雞又真係做得唔錯，另外就係烹調嘅時間，我諗冇人鍾意食「諧霎霎」嘅雞，但係隻雞又有返咁上下份量，要煮到啲肉夠嫩滑而成隻雞又熟晒其實真係好難，所以食到尾嘅時候發現佢會有少少骨肉不分離係正常嘅，而當然嗰啲位就唔好食啦，所以如果用手撕嚟食嘅效果係最好。我都有厚住面皮問佢隻雞點整，店長好謙虛咁話其實背後係有高手高高手指點。

前排喺網上睇到呢間餐廳，見到隻燒雞幾吸引，於是約埋朋友一齊去試試。我哋揀咗個限定二人餐，前菜有鮮蝦沙律同酒煮法國青口，青口味道都幾香濃，份量都算大，仲有蒜茸包可以點黎食，醬汁唔錯！主菜係最期待嘅招牌燒雞，半隻配埋雞油香草飯加底，二人食相當足夠，而且食落口感皮脆肉滑，夠鮮嫩亦好juicy，雖然伴菜有少少單調可以改良，但總括嚟講都幾好味嘅！甜品係雪山泡芙睇落賣相一般，但係真係好耐無見過呢把遮啦，係童年回憶呀！泡芙入面係雪糕嚟，不過可能個晚人比較多，上遲咗少少有啲溶溶哋，整體嚟講不過不失！

星期六Brunch點了個蟹肉蒜片意粉。去Homy其中一個原因就係呢度個老闆推介D紅白酒都好正，今次老闆介紹一款佢地做緊Promotion嘅白酒。聽老闆講話係用Roussanne嘅提子釀嘅白酒，即刻叫一杯試下啦，真係冇介紹錯，熱熱地飲杯咁乾身既白酒幾醒神。至於個蟹肉蒜片意粉，都幾足料，佢真係用蟹腳肉做，而唔係手撕蟹柳肉。意粉入面d蒜片好香，同時令蟹肉D鮮味更加出。食落明顯係橄欖油同蒜片再加意粉一齊炒出黎嘅，因為D味mix得好balance，好香同麵質口感彈性帶點煙韌。佢地杯白酒同個蟹肉蒜片意粉好夾，飲完白酒後再食個意粉，d蒜片同橄欖油既香味仲突出咗。同埋蟹肉既味道又鮮味咗。真係唔錯嘅體驗。

今日經過佐敦做完野差不多2點30分，食下午茶又好似唔係好夠飽，始終忙咗成朝都無乜野落過肚，見到這家小餐廳好似幾靚仔，於是就入去食一個LATE LUNCH，坐下休息一下。我叫了一個卡邦尼意粉，另外再點了個小食，係炸蠔黎嘅。佢個炸蠔幾鬆脆，不過份量就細了少少，另外想讚下佢D配菜，幾新鮮幾好食，唔似出面食到嗰D真係只係拌碟唔打算比你食嘅「配菜」咁樣。佢個卡邦尼意粉都好食，芝士味好濃好出，意粉咬落好有質感，唔會煮得太耐搞到太淋。配埋有D煎香過嘅煙肉，煎到少少燶邊，幾香口。食完兩椒野飽晒好滿足。

其實第一次吃，見到Grace 在Instagram share ，這間餐廳又是我bookmark已久，於是便來一試究竟。第一次吃了白酒青口和燒雞，兩者都做得非常不錯。白酒青口有別於一般的忌廉湯底、用上不同香料，而且配上骨湯，味道香濃得來帶有香料嘅香味，而且湯底再配以蒜片，非常惹味。燒三黃雞（全隻）方面，用咗中式酒糟嘅醃法，食得出酒糟嘅香味，店員亦都提供手套，上菜時熱騰騰，店員建議先吃雞胸，當時不論雞胸還是雞髀等部位，能夠保持鮮嫩，肉質豐富，外皮香脆。實在不錯！而且店員Eddie介紹的酒不錯，埋單約$1300。於是我們見到他們推出了$900兩位的套餐，於是便想再回味。誰知就得出此不太愉快的經歷。$900包括青口一份、半隻燒三黃雞、海藻加海葡萄鮮蝦沙律、泡芙雪山甜品、咖啡/茶，另外我再加了$140 free flow紅酒、白酒、氣酒。首先先談談酒，氣酒Prosecco 完全不夠氣，相信已經開了很久。白酒方面，中規中矩。紅酒，店員稱是來自法國南部的carbonate Sauvignon，酒已呈走下坡的狀態，入口淡如水，未能呈現該葡萄的特色，實在較為失望😔這樣的話，寧願單叫by class 也

點解發現呢間餐廳，都係因為喺網上面睇咗條youtube片…講到隻雞又嫩又juicy，咁人一世物一世，當然去試試啦！試咗墨西波、水牛城雞鎚、2款沙律、意大利飯仲有佢地最最最出名嘅三黃雞。咩都唔講，淨係講佢隻雞！睇片講得咁矜貴，期望真係好大，點知換來的只有失望。雞味欠奉之餘，意想不到燒雞嘅皮都可以唔脆。講到明跟人頭分碟，點知係求其斬開放番同一碟，真係noted with thanks。伴碟嘅菜，都係連鹽都唔落，真係非常健康。2款沙律我連名都唔記得，因為兩款都無味，所以我嗌咗乜都唔記得。小食嘅墨西波、水牛城雞鎚，普通無特別，無期望就無失望。可能我同朋友無order酒，所以未感受到師父嘅「真功夫」啦~不過如果咁嘅價錢，order埋酒更加貴人一截…CP值真係見真張啦…大家三思三思。

我鐘意周圍去食食食....平又食貴又食...總之要好食所以我最鐘意睇飲食節目，望下個人都開心D前幾日睇左條youtube片，話呢度D香燒三黃雞好好食。作為一個為食專員當然唔會放過呢個咁好嘅機會....雖然鋪仔細細，但裝修都唔錯，好有氣氛， 可能我早食飯，所以唔駛點等位佢之前話要預先Order先有得食果隻雞，作為" 為食專員" 梗係要一早預訂左啦不過.......原來預訂左都要等成個鐘，唔緊要....好食咪得囉一上枱隻雞賣相又真係幾吸引, 見到塊皮都好似幾脆，職員問我駛唔駛幫我起肉嘩~咁好服務當然好啦! 點知佢只不過係將雞切開幾份...咁唔算係起肉掛....食落口有好香酒味，但肉質係鞋，只係雞脾位叫做滑D， 個外皮望落脆，但食落一D都唔脆旁邊有幾棵只係用開水灼過的西蘭花，真心地唔知佢想點如果你話比我知隻雞係百零蚊隻嘅燒雞，我覺得係OK的但呢隻雞係要$680...未免吹得太高吧....由於我地人唔多，除左叫左隻雞之外仲叫左個沙律及日本一級海膽醬燴意大利飯沙律好難唔好食，所以唔多講至於海膽醬燴意大利飯，佢寫到" 日本一級" 我即刻兩眼發光...日本嘅海膽真係好好食，我諗海膽醬都應該唔會差得去

其實，好少寫負評, 因為再唔好食, 其實都係一餐, 最多下次唔去。但今次破格, 因為真係忍唔住, 真心CP值太低。睇完某KOL嘅youtube片，見佢講到隻雞咁正, 諗住帶啲朋友去食好東西......佢主打係Tapas, 我都知係細細份嘅, 分量無問題, 我無意見。但款式好少, 10樣有8樣係炸物, 交貨黎咁樣,  無咩技術可言。墨西波, 個名好有趣, 食起上黎就好似普通炸免治肉球, 無特別, 就係肉球一個; 韓式水牛城雞鎚 , 又係好普通。叫咗個意大利水牛芝士車厘茄沙律 , 味道好普通;最深刻印象係入邊嘅迷仔水牛芝士, 係無味嘅(唔係淡味, 係無味, 好想知係咩牌子...) 我有認真去"嗒"下陣味, 真係, 無。日本一級海膽醬意大利飯, 熱嘅時候已微腥, 凍咗少少就更腥, 其中一個friend, 食咗一啖, 就放低咗隻叉, 唔出聲....我唔想浪費食物，唯有食埋佢。要訂嗰隻香燒三黃雞, 就係睇片話必食嘅, 等咗一個鐘 (無問題, 你同我講要等, 我有心理準備就唔會嘈)  滿心期待, 諗住比佢翻盤嘅機會。味道一般, 有啲酒香, 雞味唔出, 除咗雞脾位置稍為嫩滑, 其餘都"鞋",  燒雞