我愛伊斯坦堡 (已搬遷) 新店位置

除夕午餐聚会，公司安排到会，以为都系一般 party food，估唔到有惊喜！食土耳其菜！首先送餐唻嘅系两位好搞笑好nice 的外籍人士，佢怕我地唔识点食，都有细心讲解。再睇睇d 食物，好靓好得意呢！有原只红黄椒、炸物、沙律、仲有好多只烧鸡！平时食开的炸物不外乎系炸鱼、薯条，今次有炸饺子、炸乳酪芝士！好味呀！最搞笑系烧鸡！我地三十个人有七只鸡！似乎多咗d 初初个个都懒，冇人想去切开只鸡，后来team lead 亲自操剪刀剪埋我地食 好滑好juicy！入面仲有酿饭！有心思！赞！除咗肉食之外，食素嘅同事都照顾到，有green salad、柠汁泡杂菜、西椒酿饭食！个酿饭好有诚意，𥚃面系香草炒饭加提子干，甜甜地好好味。最得意系d 甜品：土耳其开心果千层酥同土耳其龙须糖！两个都好味！我钟意龙须糖多d！有少少花生酱味，少少脆，同埋食到成口系好有趣！份量好够！净番一只烧鸡、两个红黄椒，同一盘 green salad, 都有同事认领带走