咖啡弄 (已結業)

呢间「咖啡弄」出名多人排队仍然有好多人黎，一直都想试，所以就决定系除夕夜黎试下啦。等位等左15分钟到已经有位，不过就要搭台，不过唔紧要啦，唔系有排等呀。两个女仔唔食得好多野，决定叫一份三文治同一个甜品share食，最后点左总汇三文治同埋黄金拿破仑千层派。总汇三文治: 总汇三文治就系我地俗称既club sandwich，卖相一流，面包香脆松软仲被烘过，涂左少少牛油，三文治里面有烟肉，熏牛肉，火腿，生菜，蕃茄等等既材料，配搭得不错，份量相当多。伴菜方面有我至爱既蛋沙律，青瓜，生菜同埋脆片。蛋沙律蛋味浓郁，蛋黄酱汁更令人食到停唔到口。黄金拿破仑千层派:  睇落有少少似柠檬夹心饼，派皮香脆松化，带有少少柠檬既酸甜，中间仲夹住Cream，但系都唔系太漏，焗得都算酥脆。热抹茶欧蕾: 系落完Order之后侍应同我地讲，先知道原来呢到每人最低消费一杯饮品，餐点金额恕不并入计算，即系话不论你食物叫左几多几钱都好，都要每人叫一杯饮品，咁既限制我真系第一次听。无办法啦，唯有叫啦，最后叫左杯抹茶欧蕾。抹茶欧蕾卖相非常吸引，抹茶味好香浓，不过就系甜左少少，如果加返少D糖，可能会更加好味更加健康。