影片
更多
2008-01-04
18 浏览
应承咗姨甥除夕同佢去西贡烧烤兼倒数，点知天气跌到得10度，去西贡烧烤？谂吓都打冷震，同佢讲延期啦，点知"小魔怪"即刻发晒癫，左谂右谂有乜办法呢？比我记起上次嚟食烧烤都几好味，于是成家人嘅烧烤party由郊外变咗室内，话晒一家大细成棚人，好惊是但一个唔啱食，尤其一老一嫩，点知去到.....姨甥仔一路嘟长个咀唔愿食，点知佢见到隔离枱个细路整咗杯雪糕，两只眼即刻发青光，一枝箭标咗去攞雪糕，跟住就系夹饼、雪条、jelly糖、寿司...最难顶系佢揸住果件蜜芽糖夹饼，啲蜜芽糖拉到一手一面都系，佢重笑到哈哈声，千祈唔好走埋嚟呀！讲到老妈子，真系估佢唔到，大大话话食咗三碗猪脚姜，佢话系酒楼食计"特点"，啲姜醋用嘅系靓料无沟水，跟住系咁烧鸡亦、义烧、金沙骨、猪扒.....睇到我哋个个眼金金，从来都唔知佢咁食得，点知佢话：你班人攞咁多嘢入嚟又唔食，你哋知唔知而家乜鬼嘢都加晒价，食唔晒又攞好折坠鲅 ！收到，即刻食！总结成晚全家人都食得好happy，尤其是"小魔怪"，又食又玩，除夕夜收费$128，比平日假期$98多$30，同什么大酒店一加就加一倍果种开天杀价比，相对嚟讲都好合理。原来食韩烧都可以出温情嘅！ha
姨甥仔一路嘟长个咀唔愿食，点知佢见到隔离枱个细路整咗杯雪糕，两只眼即刻发青光，一枝箭标咗去攞雪糕，跟住就系夹饼、雪条、jelly糖、寿司...最难顶系佢揸住果件蜜芽糖夹饼，啲蜜芽糖拉到一手一面都系，佢重笑到哈哈声，千祈唔好走埋嚟呀！
讲到老妈子，真系估佢唔到，大大话话食咗三碗猪脚姜，佢话系酒楼食计"特点"，啲姜醋用嘅系靓料无沟水，跟住系咁烧鸡亦、义烧、金沙骨、猪扒.....睇到我哋个个眼金金，从来都唔知佢咁食得，点知佢话：你班人攞咁多嘢入嚟又唔食，你哋知唔知而家乜鬼嘢都加晒价，食唔晒又攞好折坠鲅 ！收到，即刻食！
总结成晚全家人都食得好happy，尤其是"小魔怪"，又食又玩，除夕夜收费$128，比平日假期$98多$30，同什么大酒店一加就加一倍果种开天杀价比，相对嚟讲都好合理。
原来食韩烧都可以出温情嘅！happy new year！2008！
张贴