Greyhound Café (時代廣場)

营业中

休息中

今日除夕夜，女朋友早收工于是约咗喺铜锣湾时代广场事晚饭，系禁堂食之前，食埋个晚餐，然后喺铜锣湾倒数。呢间泰国餐厅就以前都有帮衬开，算系比较有质素嘅泰国餐厅，价钱都唔算好贵，我哋两个人点样三样𩠌加一杯嘢饮，一个菠萝炒饭、一个墨鱼意粉以及一个炸鸡，同埋一杯珍珠奶茶。三个𩠌都好好食，首先炒饭好香好热，配合肉松以及腰果特别好味开胃，而且食得好满足。另外墨鱼意粉佢冇意粉汁，所以唔会食到成口都系黑色，佢嘅卖点就系个汁好香，有少少酒味，🦐亦都好大只好有肉汁口感。至于炸鸡就有少少失望，因为我哋原本系见到有蛋黄酱先点呢个炸鸡，但系上菜时只系俾咗我哋泰式辣酱以及盐，所以有少少失望。职员亦都同我哋讲蛋黄酱已经卖晒，呢个有少少失望点解唔系我哋落单之前提醒我哋冇咗，咁我哋可以考虑吓是否点呢个菜。整体来讲呢间餐厅嘅食物质素好高，味道亦都唔错环境舒适，价钱亦都唔算好贵，值得一试嘅餐厅。