影片
更多
2023-01-09
1003 浏览
除夕男友卜左历山酒店 Staycation Package包左酒店餐厅下午茶原本念梗买唔买 Package因为男友上网见到食评麻麻 主要系打卡靓最后都卜左 去到果然环境真系好靓金碧辉煌好华丽而窗口位冇几个相信系预留比买左package既人所以安排左比我地坐由于下午茶时段为3-5点一早2点check in左2点9就到餐厅早到早简位最后调左去近圣诞树既位置～2人2set既下午茶由于当时只拍左片所以只有系影片cap出嚟既相原本预左真系打卡 对食物冇期望点知喜出望外！全部咸点都好好食而且好岩我口味！！咸点包括：*鞑靼吞拿鱼伴脆香法包虽然冇特别中意食吞拿鱼，但依个吞拿鱼一啲都唔腥亦有鲜味，好中意依种配合小法包既食法*脆炸杏仁鸡翼酿荔枝本身都中意食荔枝，鸡翼外脆内嫩肉汁多，咬开包住一粒荔枝仔感觉几得意*烟肉带子伴荷兰蛋黄酱本身亦中意食带子， 烟肉内包住既带子亦好软熟，一整个放入口有唔同丰富既口感*香辣龙虾沙律牛角包本身唔中意食牛角包，但佢个牛角包系夹扁左好似格仔饼咁，而包上既沙律有我中意既龙虾，香辣味亦调配得好好*照烧和牛露笋卷看似简单既两卷估唔到入口都咁有惊喜，和牛片唔靭亦好香肉味，包住烧香露笋
包左酒店餐厅下午茶
原本念梗买唔买 Package
因为男友上网见到食评麻麻 主要系打卡靓
最后都卜左 去到果然环境真系好靓
金碧辉煌好华丽
而窗口位冇几个
相信系预留比买左package既人
所以安排左比我地坐
由于下午茶时段为3-5点
一早2点check in左
2点9就到餐厅
早到早简位
最后调左去近圣诞树既位置～
2人2set既下午茶
由于当时只拍左片
所以只有系影片cap出嚟既相
原本预左真系打卡 对食物冇期望
点知喜出望外！
全部咸点都好好食而且好岩我口味！！
咸点包括：
*鞑靼吞拿鱼伴脆香法包
虽然冇特别中意食吞拿鱼，但依个吞拿鱼一啲都唔腥亦有鲜味，好中意依种配合小法包既食法
*脆炸杏仁鸡翼酿荔枝
本身都中意食荔枝，鸡翼外脆内嫩肉汁多，咬开包住一粒荔枝仔感觉几得意
*烟肉带子伴荷兰蛋黄酱
本身亦中意食带子， 烟肉内包住既带子亦好软熟，一整个放入口有唔同丰富既口感
*香辣龙虾沙律牛角包
本身唔中意食牛角包，但佢个牛角包系夹扁左好似格仔饼咁，而包上既沙律有我中意既龙虾，香辣味亦调配得好好
*照烧和牛露笋卷
看似简单既两卷估唔到入口都咁有惊喜，和牛片唔靭亦好香肉味，包住烧香露笋亦刚刚好中和腻感
*法式鹅肝慕丝泡芙伴黑松露
系我最中意既一个，佢既鹅肝慕丝完全唔似慕丝，因为浓郁既鹅肝味令我觉得跟本食梗鹅肝一样，而且亦有我中意既黑松露，好食到唔舍得一啖食哂去
而甜点我就不作评论了，因为对太甜既野都还好
除左有只可爱既小姜饼人
佢个芒果拿破仑亦值得一赞，芒果甜又香
配合杏仁碎又唔会好甜
但最后太饱食唔哂比左一大半男友食
食完大满足既下午茶
记得系餐厅同酒店内影下相
都不失为一个壮丽既打卡景点
张贴
