古早味原住台灣 (已結業)

今次去尖沙咀，因为时间不足1小时，就喺附近随便揾个地方食嘢，见到个名……古早味，谂下系咪可以食到传统台湾风味呢，就一于呢间啦。佢喺二楼要搭䢂上去。 地方算大 ，好似个小迷宫，但枱与枱之间有点迫。中午去，够哂繁忙。我点了卤肉饭、嘉义鸡丝饭， 分别都跟3个小食、1个汤、1杯$18以下嘅饮品。3个小食同餐牌张相，分别非常大，很失望，比手指尾还细的半棵西兰花，几片冇味青瓜，一粒不知什么馅的炸丸子。西洋菜汤正常。卤肉饭有半只卤水蛋，2片黄瓜，台湾卤肉饭畀我嘅感觉系惹味，肉汁令我好想捞饭食，但系古早味嘅卤肉饭就冇咁嘅感觉😥卤肉味道正常，但分量少，不足以捞饭， 食到一半好似食白饭😥原来朋友嘅嘉义鸡丝饭重差，小食系一样嘅，冇味鸡丝配上有点硬嘅饭，最后都放弃食唔晒。好彩还有杯珍珠奶茶，一般水准，但珍珠多少少就好啦。虽然小食有点失望，主菜一般，但每人平均$65，有饭、汤、饮品，价钱也可接受。但尖沙咀可以有很多选择。