經典古早味蛋糕

营业中

休息中

今日天气🧣冻冻地, 前排已经食左几次暖笠笠糖水, 今日想转下口味, 决定揾间未试过既古早味蛋糕帮衬下。贪佢可以拎返屋企叮热黎食。经典古早味蛋糕既蛋糕口味选择不多也比较是基本款, 不过都有我好钟意既咸蛋黄口味, 但就无斋咸蛋黄呢个选择, 一定要跟埋芝士一齐叫。食过咁多次古早味蛋糕都未试过芝士味, 今次不妨买黎试下(我本身好钟意食芝士, 无买过只系因为芝士蛋糕成日食到, 所以见到有新奇口味就会优先选择)。咸蛋黄芝士古早蛋糕 - 咸蛋黄同芝士夹左系蛋糕中间𠮶层。我觉得咁样几好, 可以拣食一啖重口味D, 又食一啖古早蛋糕既原味蛋香。呢间店家既做法系将芝士同咸蛋黄融合埋一齐, 唔系食到一粒粒咸蛋黄𠮶种(食过一间系入口一粒粒既, 好似中秋月饼入面个咸蛋黄咁, 好好味, 有机会再介绍)。而蛋糕既口感就好似食紧日式芝士蛋糕咁, 松软幼滑。发觉自己好钟意食加入左咸味元素既甜品, 例如:海盐, 芝士, 咸蛋黄。咸咸甜甜的味道带来味觉上既冲激, 令层次更丰富, 亦有入口甜而不腻既效果。经典古早味蛋糕用料新鲜实在, 馅料同蛋糕味道也配合得好好。