LIFETASTIC (已結業)

😮哩间餐厅系尖沙咀食过一次，今次去到西环分店又有新惊喜。西环同尖沙咀分店店内环境截然不同，尖沙咀就比较华丽，西环分店就文青啲，放左好多有趣小摆设，环境一样舒适。除左店舖环境，餐牌都有些少分别。西环哩间除左甜品仲有其他小食、意粉，扒类等主菜，可以系到食个晚餐叹埋个甜品，好幸福呀☺️。以为哩到剩系蛋糕做得出色，估唔到意粉质素都咁好。意粉软硬度控制得好好，又好入味。配料唔多，不过果粒火腿肉真系劲香好好食，虽然充满油脂，不过胜在入口即溶❤️❤️。哩个窝夫卖相相当吸引，成幅艺术品😊。窝夫口感好好，士多啤梨都好甜，不过最值回票价一定系果两球大大既Movenpick雪糕球，当日系蓝梅芝士雪糕味❤️。蛋糕今次就点左之前未食过既栗子蛋糕同荔枝玫瑰蛋糕。栗子🌰同杏仁制既蛋糕质感我觉得系最夹。栗子味好突出，所以就唔会太甜。哩个蛋糕荔枝味就唔太突出，反而玫瑰花香味就比较明显，味道几清新。