醬缸韓國料理 (已搬遷) 新店位置

终于拣左呢间人地话专门食酱油蟹既店泥试下，我提早几日book左3位留两只蟹。当日改4位，早左到要企系门口等到够钟先入得。一坐低就有几款前菜同埋茶上，有泡菜，薯仔丝同海带丝比你开开胃之后好快就上酱油蟹一只要三百几但都几大只啖啖肉仲有配紫菜白饭，我地预左4个人每人半只，因为想试埋其他野。如果饭可以refill就更好，捞完蟹盖已经无饭捞噜同埋佢有即弃手套提供，不过要问先比。我地仲点左个部队锅，海鲜汤。因为太肚饿忘记拍照海鲜汤有配白饭，但味道一般仲要偏咸⋯而部队锅都系水准一般，个人认为五够酸。食紧既过程中有位疑似有洁癖既员工，见到我五小心滴左一滴汁系纸巾盒侧边，即刻9秒9黑面拎走纸巾盒抺完仲要劲大力摆系隔离台可见果位员工嫌弃我既程度有几甘深系得佢一个甘，其他员工态度都几好。后来我地加左石锅海鲜拌饭，好够热！但系太多芽菜太少饭，自己另外加啲辣酱同埋泡菜先有味整体泥讲，唯一吸引到我会再泥食既只有酱油蟹，其他野食都一般般。连埋饮品埋单八百几。