i CREMERiA Café (已結業)

一直都好想试呢间野既雪糕甜品，但唔舍得。近来发现佢竟然做埋西餐，有主食食，太吸引了吧！😱9点钟先去食野，已经好肚饿。同买雪糕一样，系counter点左先，然后拎个number牌，自己揾位坐低，佢就会有人送餐。等左一阵，就已经上菜啦！😉—一个铁盘盛住所有野，睇落去卖相真系几吸引。😍蓝妹好钟意佢有杯小花，好精致，令成个晚餐多左种浪漫感觉。😳—加钱可以有汤同野饮，果日既汤系南瓜汤，蓝妹觉得比较淡，需要更多调味。至于野饮，冻柠茶，睇个样都觉得唔同啦。佢唔系平时系餐厅饮果种茶包冲既，反而似维他柠檬茶，蓝妹觉得都唔错既。😌—野菌黑松露忌廉宽面（野菌、黑松露、洋葱、意大利香菜）香，好香，真系好香。野菌同黑松露既香味实在好浓郁，令蓝妹要赞3次。😬好耐冇食过咁足料既意粉，野菌系多到唔想食咁济。调味恰到好处，所有既香料，白汁都配合得好好，味道非常协调。☺️白汁唔会过多，适量咁黏系每条面条上面。👍—鹿儿岛温泉蛋卡邦尼意粉（意式风干烟腩、蘑菇、温泉蛋）因为男朋友间中都会整卡邦尼意粉，所以蓝妹对呢道菜既要求都会比较高。好难得，今次呢个系近来食过最出色既。😀味道好接近男朋友整既，芝士味唔会抢左配料同白汁既味道。另外