紅豆烘焙 (西洋菜南街)

营业中

休息中

红豆烘焙之前都帮趁过几次，之前都系买面包，贪佢面包款式多选择，今次经过旺角西洋菜街新分店，先有留意佢原本甜品西饼都一样好多款，而且卖相都饼仔唔似一般街坊饼店嘅货色，所以就买黎试下。而家大热嘅面包布丁都几款个口味。甜品杯有好多口味，木康布丁、Tiramisu、奶冻、焦糖炖蛋、雪果子......等等。切饼卖相好吸引，拍得住连锁饼店，但价钱就平好多。面包简直花多眼乱，除左经典嘅肠仔包、菠萝包、鸡尾包之外，仲有好多新派面包。拣左三款试下，全部都未食过。法式面包布丁($15) - 布丁面包买𠮶时仲系暖嘅，不过如果唔系即场食，我会之后烘返热佢。虽然用羹毕时会觉得有少少实，但入口其实OK，唔会觉得实的的，蛋味都几香，再夹埋脆脆地嘅面包都唔错。提拉米苏($20) - Tiramisu朱古力味都OK，咖啡味唔会过重，Cream比蛋糕多，食落好滑。特浓朱古力切饼($18) - 朱古力切饼好浓朱味，但又唔会太干，朱迷一定收货。