春禧堂台灣料理餐廳 (已搬遷) 新店位置

是咁的。见新开就试下。平日下午一点三十分到达，有位直入，一个人坐四人枱。店家话可能迟些要搭枱，午餐时段正常合理。餐厅系以前泰菜𠮶舖，应该用番之前装修，简洁正常，看上去干净衞生。枱嘅间隔亦合理。全自助扫code落单，可以俾埋钱，唔错。不过唔知点解系出左英文，有点奇怪，有过事旦。午餐叫了盐酥鸡排卤肉饭加冻Latte，$76合理。杯Latte，我俾零分。送上枱时侍应话冻啡，我当时覆紧Whatspp无特别留意。之后见到杯野即问第二个系乜黎，佢话冻啡就走左。之后再揾第三个，佢话唔系叫冻啡咩，帮你印张单出黎。见到张单，佢话你嫌小奶，咁我同你加多些奶啰！真心唔驶啦。杯所谓Latte，系差过茶记普通冻啡，根本完完全全唔系Latte，有乜理由仲要加钱呀！主菜上场。个肉燥饭鬼死咁多肥猪肉，我真系唔识食，亦未食过咁有特色嘅肉燥饭。肥猪肉系手指尾指甲咁上下大，口感好差！饭就淋过头，不过就算系正常。个鸡排，另我想起小学嘅薄如婵翼啲火腿面。个块鸡排，系一至两块火腿咁厚，粉就鬼死咁多，但又完全无盐颗。真心未食过呢款鸡排，今次大开眼界，之后草草食完，早走早著。整体来讲，食品差，其他可以。我就唔会有下次。