Hello Kitty 中菜軒 (已結業)

身为喵迷o既契妹其实早就想一试「Hello Kitty中菜轩」，无奈家人好友唔系嫌要排队，就系嫌餐店太过「Hello Kitty」。佢真系好彩，家中表姐原来同属吉蒂粉丝，是次访港之旅更有意过海朝圣，二人周一晚就捉咗XO仔同哥哥陪伴，一齐去食吉蒂晚餐。「Hello Kitty中菜轩」大堂中央有个身穿旗袍，手持蒸包o既Hello Kitty，旁边摆放著可供食客购买o既Hello Kitty公仔。厅内o既餐桌椅櫈全为木造，配上墙身Hello Kitty系列o既屏风、国画及头顶上o既灯笼式吊灯，每一个角落都散发著中国色彩。餐枱上有个大大o既Hello Kitty唛头。碗筷茶壶上都一样熨有Hello Kitty个金模。就连湿纸巾个包装都系特别印出，真系够哂全面。店子以其吉蒂造型点心及饭品闻名，所有项目午市、晚市都一样有得食；附带彩色插图o既餐牌合共有三页。因点选「鱼翅捞饭」可免费获赠限量版徽章，四人就决定先点一客。然后再加多三款卖相吸引o既点心及网评推介o既小食拼盘。鱼翅捞饭（$158）：以热锅滚住上o既系素翅。师傅喺白饭面加上不同颜色形状o既蔬菜即砌成Hello Kitty个靓样，简洁非常。除