影片
更多
2022-11-27
3552 浏览
呢个名喺新蒲岗真系街知巷闻，反而太子开咗咁耐，好多朋友写过无数咁多次赞佢哋嘅潮州菜，唔知点解冇特别去就未试过，终于的起心肝有晚试吓简单二人晚餐。坐低会问你饮咩茶，茶叶嘅选择都几多，香片出奇地唔差，姐姐嘅服务非常之好，好值得赞。个人觉得装修都几靓，对比新蒲岗就梗系舒适得多，而且呢度真系好方便，应该更方便慕名而来嘅朋友。一人一杯老药桔，饮落去𠮶一刻，唔系好识形容嘅味道，但有强烈的药材香。鹅三宝有鹅肠、鹅肝，鹅肉，佢嘅潮洲卤水相对浓，当然有豆腐垫底，鹅肉唔算太肥美，但系我几喜欢，鹅肝唔系平时食较软身的感觉，鹅肠唔算太肥，反而系我钟意嘅类型，睇你系咪同我一样都系怕肥嘅人，我自己个人几喜欢过卤水汁，送粥真系一流，可惜今日唔会太大食力，留返下次。鱼露浸花甲，花甲都几肥大肉厚，而鱼露味度调校得刚刚好，不过略嫌少咗啲花甲。汕头煎蚝烙坦白讲真系唔差，佢嘅蚝仔非常肥美而大只，不过个人真心喜欢尖沙咀华苑Eva姐嘅出品，呢个唔系差，只不过我食过咁好食嘅。生腌濑尿虾似乎系每人必点嘅嘢食，朋友G大赞到不得了，酱汁调味的确一流，生腌嘅做法恰到好处，但个人觉得如果大只嘅濑尿虾应该会更加好，由头到尾都有肉可以食到，基本
坐低会问你饮咩茶，茶叶嘅选择都几多，香片出奇地唔差，姐姐嘅服务非常之好，好值得赞。
个人觉得装修都几靓，对比新蒲岗就梗系舒适得多，而且呢度真系好方便，应该更方便慕名而来嘅朋友。
一人一杯老药桔，饮落去𠮶一刻，唔系好识形容嘅味道，但有强烈的药材香。
鹅三宝有鹅肠、鹅肝，鹅肉，佢嘅潮洲卤水相对浓，当然有豆腐垫底，鹅肉唔算太肥美，但系我几喜欢，鹅肝唔系平时食较软身的感觉，鹅肠唔算太肥，反而系我钟意嘅类型，睇你系咪同我一样都系怕肥嘅人，我自己个人几喜欢过卤水汁，送粥真系一流，可惜今日唔会太大食力，留返下次。
鱼露浸花甲，花甲都几肥大肉厚，而鱼露味度调校得刚刚好，不过略嫌少咗啲花甲。
汕头煎蚝烙坦白讲真系唔差，佢嘅蚝仔非常肥美而大只，不过个人真心喜欢尖沙咀华苑Eva姐嘅出品，呢个唔系差，只不过我食过咁好食嘅。
生腌濑尿虾似乎系每人必点嘅嘢食，朋友G大赞到不得了，酱汁调味的确一流，生腌嘅做法恰到好处，但个人觉得如果大只嘅濑尿虾应该会更加好，由头到尾都有肉可以食到，基本上帮你拆晒咁滞，几好。
食左大概每人四百几蚊左右，以地方计，价钱中等，如果可以多啲人，应该可以试到佢嘅真功夫。
张贴
