陳儀興尚潮樓 (太子道西)

营业中

休息中

听闻新蒲岗老字号陈仪兴于太子开咗全新概念店，装修优雅脱俗、食物精心设计、手工细致、不失潮州菜风味。今日去开太子果头，当然去埋陈仪兴尚潮楼啦。店舖果然如介绍一样、环境舒适，而且服务非常周到。打开餐牌，虽然好多菜式想食，例如廿年老菜脯鲜猪肚汤、鱼露浸花蛤、蛳蚶、鱼露浸花甲咁，但都系俾常食开嘅鹅肝、鹅肠、鹅肉、猪手等等吸引咗。鹅三宝：分别有鹅肉、鹅肠以及鹅肝，鹅三宝底下有豆腐。陈仪兴嘅潮汕卤水好好食就已经系街知巷闻嘅事，我特别钟意佢哋嘅鹅肝。鹅肝厚切，而且入口即融，非常之正。金不换炖海螺：炖汤好清，金不换新鲜清香扑鼻，而且本身同海螺好夹。清炖荷包鳝：清炖荷包鳝是潮州菜的王牌手工菜之一，咸菜叶包裹住白鳝，然后加入上汤清炖。鳝肉肉质肥厚、咸菜的咸、白鳝的鲜、配合得天衣无缝，一流之作！梅汁炆猪手：充满骨胶原的菜式。猪手软淋，汁料酸甜好好味。而另一个显示手工同细心嘅地方，就系猪手都起哂骨，入口每一啖都系猪手皮同猪手肉。猪手再配上一碗白粥，中和猪手骨胶原嘅黏口感。饮品方面，我哋点咗汕饮品乌豆水同老药桔。乌豆水就甜味：而老药桔就咸味、似咸甘吉咁，既好饮又健康。